കുന്ദമംഗലം: മോദിയുടെ ഭരണം അന്താരാഷ്ട്ര സമൂഹത്തിൽ ഇന്ത്യയെ അപമാനപ്പെടുത്തിയെന്ന് കോഴിക്കോട് ഡി.സി.സി.പ്രസിഡന്റ്അഡ്വ.ടി. സിദ്ധീഖ് പറഞ്ഞു കുന്ദമംഗലം മണ്ഡലം കോൺഗ്രസ് കമ്മറ്റിറിയുയുടെ നേതൃ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. നഗ്നമായ ഭരണഘടനാ ലംഘനവും നീതി നിഷേധവുമാണ് രാജ്യത്ത് നടക്കുന്നത്. രാജ്യത്ത് വിദ്യാർത്ഥികളും യുവജനങ്ങളും നടത്തുന്ന സമരത്തെ മൃഗീയമായി അടിച്ചൊതുക്കുന്നു. ഐക്യരാഷ്ട്ര സംഘടന ആശങ്കയരിക്കുന്നു വിദേശ രാഷ്ട്രത്തലവൻമാർ ഇന്ത്യാ സന്ദർശനം നിർത്തിവെക്കുന്നു. രാജ്യത്ത് ഇൻറർനെറ്റ് സംവിധാനം വിലക്കി കൊണ്ട് ജനജീവിതം ദുസ്സഹമാക്കി. അദ്ദേഹം തുടർന്നു. മണ്ഡലം കോൺഗ്രസ് പ്രസിഡണ്ട് ബാബു നെല്ലൂളി അധ്യക്ഷത വഹിച്ചു. യൂത്ത് കോൺഗ്രസ് സംസ്ഥാന സെക്രട്ടറി എം. ധനീഷ് ലാൽ, ബ്ലോക്ക് കോൺഗ്രസ് ഭാരവാഹികളായ ടി.പത്മാക്ഷൻ, ടി.കെ.ഹിതേഷ് കുമാർ, എ.ഹരിദാസൻ, മണ്ഡലം ഭാരവാഹികളായ വി. അബ്ദുറഹിമാൻ, എം.പ്രബീഷ്, സി.പി.രമേശൻ, വി.പി. തസ് ലീന, ത്രിപുരി പൂളോറ, യൂത്ത് കോൺഗ്രസ് മണ്ഡലം പ്രസിഡണ്ട് ലാലു കരിമ്പനക്കൽ, പ്രസംഗിച്ചു.
മോദി അന്താരാഷ്ട്ര സമൂഹത്തിൽ രാജ്യത്തെ അപമാനിച്ചു. ടി.സിദ്ധീഖ്
