കുന്ദമംഗലം:- കേരള വിദ്യാഭ്യാസ വകുപ്പിന്റെ നിർദ്ദേശ പ്രകാരം ”പ്രതിഭകൾക്കൊപ്പം “പരിപാടിയിൽ കാരന്തൂർ മർകസ് ഗേൾസ് ഹൈസ്കൂളിലെ വിദ്യാർത്ഥികൾ അധ്യാപകരോടൊപ്പം കുന്ദമംഗലത്തെ കലാ സാംസ്കാരിക മേഖലയിൽ നിറഞ്ഞുനിൽക്കുന്ന ചക്കാലക്കൽ ഹൈസ്ക്കൂളിലെ റിട്ട: അദ്ധ്യാപകൻരവീന്ദ്രൻ മാസ്റ്ററെ ആദരിച്ചു.ഇദേദഹം ഇപ്പോൾ കുന്ദമംഗലം പ്രസ് ക്ലബ് പ്രസിഡണ്ട് കൂടിയാണ് കുന്ദമംഗലത്തെ അദ്ദേഹത്തിന്റെ വസതിയിൽ എത്തിയ വിദ്യാർത്ഥികൾ അദ്ദേഹത്തിന് ബൊക്കെ നൽകിയും പൊന്നാട അണിയിച്ചും ആദരിച്ചു. പരിപാടിയിൽ മർകസ് ഗേൾസ് ഹൈസ്കൂൾ പിടിഎ പ്രസിഡണ്ട് സി മുഹമ്മദ് ഷാജി അദ്ധ്യക്ഷത വഹിച്ചു. പ്രധാനാധ്യാപിക എ ആയിഷ ബിവി ടീച്ചർ പരിപാടിയുടെ ഉദ്ദേശലക്ഷ്യങ്ങൾ വിശദീകരിച്ചു. 34 വർഷത്തെ അധ്യാപന ജീവിതത്തിലെ അനുഭവങ്ങൾ കുട്ടികളുമായി അദ്ദേഹം പങ്കുവച്ചു. കുട്ടികളുടെ ചോദ്യങ്ങൾക്ക് അദ്ദേഹം ഉത്തരങ്ങൾ നൽകി. ചടങ്ങിൽ എ കെ മുഹമ്മദ് അഷറഫ് സ്വാഗതംപറഞ്ഞു.പിടിഎ വൈസ്പ്രസിഡണ്ട് കെ സുലൈമാൻ, എപി സഫീയുറഹ്മാൻ, പി സുൽഫത്ത്, വിദ്യാർത്ഥി പ്രതിനിധി എ.ദേവിക, ഫാത്തിമ ഹന എന്നിവർ ആശംസകൾ നേർന്നു. രവീന്ദ്രൻ മാസ്റ്റർ മറുപടി പ്രസംഗം നടത്തി. കെ പ്രീത നന്ദി പറഞ്ഞു.
കാരന്തൂർ മർകസ് ഗേൾസ് ഹൈസ്കൂളിലെ വിദ്യാർത്ഥികൾ പ്രതിഭകൾക്കൊപ്പം “പരിപാടിയിൽ രവീന്ദ്രൻ മാസ്റ്ററെ ആദരിച്ചു.
