Mems അനദ്ധ്യാപക ജീവനക്കാർക്ക് മഴവിൽ ക്ലബ്ബ് വിദ്യാർത്ഥികളുടെ സ്നേഹ സ്പർശം.

കുന്ദമംഗലം: മർക്കസ് ഇംഗ്ലീഷ് മീഡിയം സ്ക്കൂളിൽ (Mems)  അനദ്ധ്യാപക ജീവനക്കാർക്ക് മഴവിൽ ക്ലബ്ബ് വിദ്യാർത്ഥികളുടെ സ്നേഹ സ്പർശം.
മഴവിൽ ക്ലബ്ബ് കൂട്ടായ്മയുടെ ‘നന്മ വീട്’ പദ്ധതിയുടെ ഭാഗമായാണ് ആണ് ഈ പരിപാടി സംഘടിപ്പിച്ചത്.
പരിപാടിയിൽ സ്കൂളിലെ മുഴുവൻ ക്ലീനിങ് ജീവനക്കാരെയും ആദരിക്കുകയും മുഴുവനാളുകൾക്കും വിദ്യാർത്ഥികളുടെ സ്നേഹ സമ്മാനമായി വസ്ത്ര വിതരണം നടത്തുകയും ചെയ്തു. വിദ്യാർത്ഥികൾക്കിടയിൽ ജീവകാരുണ്യ പ്രവർത്തന മനോഭാവവും തൊഴിൽ മാഹാത്മ്യ ബോധവും വളർത്തിയെടുക്കുക എന്നതാണ് ലക്ഷ്യം.
സ്കൂൾ പ്രിൻസിപ്പൽ റംസി മുഹമ്മദ്, അഡ്മിനിസ്ട്രേറ്റീവ് ഓഫീസർ ഷഹീർ അസ്ഹരി, വൈസ് പ്രിൻസിപ്പൽ കലാം സിദ്ദീഖി, മഴവിൽ ക്ലബ് കോർഡിനേറ്റർ സുഹൈൽ സഖാഫി തുടങ്ങിയവർ നേതൃത്വം നൽകി.