കുന്ദമംഗലം: അന്നം അമൃതം പദ്ധതി പ്രകാരം സദയം ചാരിറ്റബിൾ ട്രസ്റ്റിന്റെ ഈ വർഷത്തെ സൗജന്യ ഓണക്കിറ്റ് പ്രളയബാധിതർക്കും കിടപ്പ് രോഗികൾക്കും നൽകും.ഒന്നാം ഘട്ടം സെപ്തംബർ ഒന്നിന് മാവൂരിലും രണ്ടാം ഘട്ടം എട്ടിന് കുന്ദമംഗലത്തും നടക്കും. മാവൂർ പള്ളിയോൾ ചിറക്കൽ താഴത്ത് നടക്കുന്ന ചടങ്ങിൽ ഗ്രാമ പഞ്ചായത്തംഗം അനൂപ് വിതരണം ചെയ്യും. വ്യാപാരി വ്യവസായി ഏകോപന സമതി കുന്ദമംഗലം മണ്ഡലം സെക്രട്ടറി നാസർ മാവൂരാൻ ,വ്യാപാരി വ്യവസായി ഏകോപന സമതി വനിത വിംഗ് കുന്ദമംഗലം മണ്ഡലം പ്രസിഡന്റ് നിമ്മി സജി, തുടങ്ങിയവർ സംബന്ധിക്കും.അരിയും പലവ്യഞ്ജനങ്ങളുമടങ്ങുന്നതാണ് കിറ്റ്. ആവശ്യക്കാർക്ക് സ്നേഹമീ കുപ്പായം പദ്ധതി പ്രകാരം വസ്ത്രങ്ങളും നൽകും. രജിസ്ട്രേഷന് ഫോൺ: 8714402520, 94956142 55.
സദയത്തിന്റെ സൗജന്യ കിറ്റ് വിതരണം ഒന്നിനും എട്ടിനും
