ദുരിതമനുഭവിക്കുന്നവർക്ക് ആശ്വാസമായി സദയം പ്രവർത്തകർ

കുന്ദമംഗലം: മഴക്കെടുതിയിൽ ദുരിതമനുഭവിക്കുന്നവർക്ക് ആശ്വാസമായി സദയം ചാരിറ്റബിൾ ട്രസ്റ്റ് പ്രവർത്തകർ. ദുരിതാശ്വാസ കേന്ദ്രങ്ങളിലുള്ളവർക്ക് വസ്ത്രം, അവശ്യസാധനങ്ങൾ, ശുചീകരണ സാധനങ്ങൾ എന്നിവ വിതരണം ചെയ്തു. ചെത്തുകടവ്, ഗസ്റ്റ് ഹൗസ്,കുന്ദമംഗലം, ബേപ്പൂർ തുടങ്ങിയവടങ്ങളിലെ ദുരിതാശ്വാസ കേന്ദ്രങ്ങൾ സന്ദർശിച്ചു.ശുചീകരണ പ്രർത്തനത്തിലും സജീവമായുണ്ട്. ഗസ്റ്റ്ഹൗസ് ദുരിതാശ്വാസ കേന്ദ്രത്തിലേക്കുള്ള കിറ്റ് ബ്ലോക്ക് പഞ്ചായത്ത് പ്രസിഡന്റ് വിജി മുപ്രമ്മലും ചെത്തു കടവിലേക്കുള്ള കിറ്റ് വാർഡ് മെംബർ സി.വി. ഷംജിത്തും സ്വീകരിച്ചു. ട്രസ്റ്റ് ഭാരവാഹികളായ എം.കെ.രമേഷ് കുമാർ, സജി തോമസ്, നിമ്മി സജി,സർവ്വദമനൻ കുന്നമംഗലം എസ്.സുനിൽ, എം.ജനാർദ്ദനൻ, ഉദയകുമാർ എന്നിവർ സംബന്ധിച്ചു. വസ്ത്രങ്ങൾ, ശുചീകരണ, സാധനങ്ങൾ, സേവനം എന്നിവ ആവശ്യമുള്ളവർക്ക് സദയം ഹെൽപ്പ് ഡെസ്കുമായി ബന്ധപ്പെടാം. ഫോൺ: 8714402520, 94956142 55. ദുരിതബാധിതർക്ക് അവശ്യസാധന കിറ്റ്
സ്പോൺസർ ചെയ്യാൻ താൽപ്പര്യമുള്ളവരും വിളിക്കുക.