കുന്ദമംഗലം: വനവാസി കുട്ടികൾക്ക് സദയം ചാരിറ്റബിൾ ട്രസ്റ്റ് സൗജന്യമായി സ്കൂൾ കിറ്റ് നൽകുന്നു.അമ്പലവയൽ ഒഴലക്കൊല്ലി പുതിയപാടി പണിയ കോളനിയിലെ കുട്ടികൾക്കാണ് കിറ്റ് നൽകുന്നത്‌.ഈ മാസം 30 ന് ഉച്ചകഴിഞ്ഞ് 2 ന് നടക്കുന്ന ചടങ്ങ് അമ്പലവയൽ പഞ്ചായത്ത് പ്രസിഡന്റ് സീതാവിജയൻ ഉദ്ഘാടനം ചെയ്യും. സദയത്തിന്റെ ഒരു വൃക്ഷത്തൈയും പുസ്തകസഞ്ചിയം പദ്ധതി പ്രകാരമാണ് കിറ്റ് വിതരണം സ്നേഹമീ കുപ്പായം പദ്ധതി പ്രകാരം വസ്ത്രങ്ങളും ജീവാമൃതം പദ്ധതി പ്രകാരം മരുന്നും നൽകും. ആദിവാസി കുടുംബങ്ങൾക്ക് ആവശ്യമായവർക്കെല്ലാം വസ്ത്രം നൽകുന്ന പദ്ധതി സദയം നേരത്തെ വയനാട്ടിൽ തുടങ്ങിയിട്ടുണ്ട്.
അടുത്ത ഘട്ടത്തിൽ പാലക്കാട്, മലപ്പുറം ജില്ലകളിലും പദ്ധതി നടപ്പാക്കും. ഒമ്പതാം വർഷത്തിലേക്ക് കടക്കുന്ന സദയം അഞ്ച് വർഷം മുമ്പ് തുടങ്ങിയ പദ്ധതിയാണ് സ്നേഹമീ കുപ്പായം. ഉപയോഗിക്കാതെ വെച്ച നല്ല വസ്ത്രങ്ങൾ ശേഖരിച്ച് ആവശ്യക്കാർക്ക് നൽകുന്ന പദ്ധതിയാണ് സ്നേഹമീ കുപ്പായം.സംസ്ഥാനത്ത് പലയിടത്തും ഈ പദ്ധതി ഇപ്പോൾ നടപ്പാക്കുന്നുണ്ട്. വിവരങ്ങൾക്ക് ഫോൺ: 8714402520, 94956 142 55.
വയനാട്ടിൽ വനവാസി കുട്ടികൾക്ക് സദയത്തിന്റെ സ്കൂൾ കിറ്റ് വിതരണം 30 ന്
