ജുവനൈൽഹോമിൽ വോളിബോൾ കോർട്ട് ഉദ്ഘാടനം ചെയ്തു

കുന്ദമംഗലം: വെള്ളിമാട്കുന്ന് ജുവനൈൽ ഗേൾസ് ഹോമിൽ സബ്ഇൻസ്പെക്ടർ വിശ്വനാഥന്റെ നേതൃത്വത്തിൽ കുട്ടികൾക്കായി നിർമ്മിച്ച വോളിബോൾ, ഷട്ടിൽ കോർട്ടുകളുടെ ഉദ്ഘാടനം സിറ്റി പോലീസ് കമ്മീഷണർ ഗോറി സഞ്ജയ്കുമാർ ഗരുഡീൻ ഐ.പി.എസ്.നിർവ്വഹിച്ചു. ഗേൾസ് ഹോമിലെ 131 പെൺകുട്ടികളുടെ കായികവിദ്യാഭ്യാസത്തിനായിട്ടാണ് കളിക്കളം നിർമ്മിച്ചിട്ടുള്ളതെന്ന് സബ്ഇൻസ്പെക്ടർ പറഞ്ഞു.തെരഞ്ഞെടുത്ത 60 കട്ടികൾക്ക് ചേവായൂർ പോലീസ് സ്റ്റേഷനിലെ വനിതാപോലീസും കായികതാരവുമായ ഹേമമാലിനി സ്ഥിരമായി പരിശീലനം നൽകുന്നുണ്ട്. കഴിഞ്ഞ റിപ്പബ്ലിക് ദിനാഘോഷത്തിന് ജുവനൈൽ ഹോമിലെ കുട്ടികളെ ചരിത്രത്തിലാദ്യമായി കോഴിക്കോട് നടന്ന പരേഡിന് പങ്കെടുപ്പിക്കുകയും മികച്ച പ്രകടനത്തിനുള്ള ഉപഹാരം നേടുകയും ചെയ്തിരുന്നു,