കുന്ദമംഗലം : കേരള സ്റ്റേറ്റ് എയിഡ്സ് നിയന്ത്രണ സൊസൈറ്റിയുടെ കീഴിലുള്ള ഒ എം എസ് പി യുടെയും കുന്ദമംഗലം ഫാമിലി ഹെൽത്ത് സെൻ്ററിൻ്റെയും സംയുക്ത ആഭിമുഖ്യത്തിൽ പൈങ്ങോട്ടുപുറം പ്രദേശത്തുള്ള ഇതര സംസ്ഥാന തൊഴിലാളികൾക്കായി വിവിധ ആരോഗ്യ പരിശോധനകൾസംഘടിപ്പിച്ചു
പ്രസ്തുത ക്യാംപിൽ കുന്ദമംഗലം ഫാമിലി ഹെൽത്ത് സെൻ്ററിലെ മെഡിക്കൽ ഓഫീസർ ഡോ: അർച്ചന വി, കുന്ദമംഗലം ഗ്രാമ പഞ്ചായത്ത് വൈസ് പ്രസിഡൻ്റ് വി അനിൽകുമാർ, വാർഡ് 17 ലെ മെമ്പർ സമീറ അരീപ്പുറത്ത് തുടങ്ങിയവർ സന്നിഹിതരായിരുന്നു.
പ്രൊജക്ട് ഡോക്ടർ ബിമൽ സുഭാഷ്, കുന്ദമംഗലം ഫാമിലി ഹെൽത്ത് സെൻ്ററിലെ ജൂനിയർ ഹെൽത് ഇൻസ്പെക്ടർമാരായ സജീവൻ എ പി,ദീപിക പി, അക്ഷയ് കുമാർ സി പി, തലക്കുളത്തൂർ ICTC കൗൺസിലർ റീഷ്മ ഇ , Lt ചിത്രാ ഗോവിന്ദ് , ആശാവർക്കർമാരായ ലീല എം,സ്മിത പി കെ എന്നിവർ വിവിധ പരിശോധനകൾക്ക് നേതൃത്വം നൽകി.
പ്രോജക്ടിൻ്റെ മുക്കം ഏരിയ കോർഡിനേറ്റർ ഉണ്ണികൃഷ്ണൻ എം എം , ജൂനിയർ ഹെൽത്ത് ഇൻസ്പെക്ടർ ദീപിക പി എന്നിവരുടെ നേതൃത്വത്തിൽ സംഘടിപ്പിച്ച ക്യാംപിൽ ജനറൽ ഹെൽത്ത് ചെക്കപ്പ്, ലൈംഗീക രോഗനിർണ്ണയം, ജീവിതശൈലീ രോഗനിർണ്ണയം, ക്ഷയരോഗം, മലേറിയ, ലെപ്രസി, എച്ച് ഐ വി , ഹെപ്പറ്റൈറ്റിസ് ബി, ഹെപ്പറ്റൈറ്റിസ് സി മുതലായവയുടെ പരിശോധനയും നടത്തിയിരുന്നു.
പ്രസ്തുത ക്യാംപിൽ പ്രൊജക്ട് മാനേജർ അമിജേഷ് കെ വി,മറ്റു ഏരിയ കോർഡിനേറ്റർമാരായ സന്ദീപ് കെ ആർ, രാധിക എം എന്നിവരും സന്നിഹിതരായിരുന്നു. കൂടാതെ ക്യാംപിൽ പങ്കെടുത്തവർക്ക് വേണ്ടി താമരശ്ശേരി എ എൽ ഒ ഓഫീസിലെ പ്രഭീന പി കെ യുടെ നേതൃത്ത്വത്തിൽ അതിഥി പോർട്ടൽ രജിസ്ട്രേഷനും ലേബർ കാർഡ് വിതരണവും നടത്തി.