മുസ്തഫ നുസ്‌രി
മടവൂർ :-തിരുവനന്തപുരത്ത്‌ വെച്ച് നടന്ന സംസ്ഥാന സ്‌കൂൾ കലാമേളയിൽ കൊടുവള്ളി സബ് ജില്ലയിൽ നിന്നും ഏറ്റവും കൂടുതൽ വിദ്യാർത്ഥികളെ പങ്കെടുപ്പിച്ച് എ ഗ്രേഡ് നേടുകയും,പൊതു വിദ്യഭ്യാസ വകുപ്പ് സംസ്ഥാന തലത്തിൽ നടത്തിയ കായിക ഗണിത ശാസ്ത്ര പ്രവൃത്തി പരിചയ മേളകളിൽ എ ഗ്രേഡ് നേടുകയും ചെയ്ത വിദ്യാർത്ഥികളെ പങ്കെടുപ്പിച്ചു കൊണ്ട് പി ടി എ യുടെ ആഭിമുഖ്യത്തിൽ പ്രതിഭാ സംഗമം നടത്തി .കൊടുവള്ളി സബ് ജില്ലയുടെ ചരിത്രത്തിലാദ്യമായിട്ടാണ് ഒരു വിദ്യാലയത്തിൽ നിന്നും ഇത്രയും കുട്ടികളെ സംസ്ഥാന തല മത്സരങ്ങളിൽ പങ്കെടുപ്പിച്ച് എ ഗ്രേഡ് നേടുന്നത് . ഹൈസ്‌കൂൾ വിഭാഗത്തിൽ നിന്നും ഇംഗ്ലീഷ് സ്കിറ്റ് ,ഒപ്പന , ചവിട്ടു നാടകം . അറബിക് കലാമേളയിൽ നിന്നും അറബിക് നിഘണ്ടു നിർമ്മാണം,ഹയർ സെക്കണ്ടറി വിഭാഗത്തിൽ നിന്നും ഡ്യൂബിൾ ,അറബിക് കവിതാ രചന എന്നീ ഇനങ്ങളാണ് സംസ്ഥാന തലത്തിൽ എ ഗ്രേഡ് നേടിയത്. മടവൂർ ഗ്രാമ പഞ്ചായത്ത് പ്രസിഡന്റ് സന്തോഷ്മാസ്റ്റർ പരിപാടി ഉദ്‌ഘാടനം ചെയ്തു. പി ടി എ പ്രസിഡന്റ് സലിം മുട്ടാഞ്ചേരി അധ്യക്ഷനായിരുന്നു . പ്രശസ്ത എഴുത്തുകാരനും തിരക്കഥാ കൃത്തുമായ ഷിബു മൂത്താട്ട് മുഖ്യഅഥിതി ആയിരുന്നു. മാനേജർ പി കെ സുലൈമാൻ മാസ്റ്റർ ,പ്രിൻസിപ്പാൾ എം സിറാജുദീൻ ഹെഡ് മാസ്റ്റർ ടി കെ ശാന്തകുമാർ , പി പി മനോഹരൻ ,കെ ജാബിർ ,ഷാജു പി കൃഷ്‌ണൻ , പി കെ അൻവർ ,സി കെ നിതിൻ, ശ്രീജിത്ത് മടവൂർ ,നൗഫൽ ,ബൈജു,കെ രഞ്ജിത്ത് , റഹ്മത്ത് ,എന്നിവർ സംസാരിച്ചു
ഫോട്ടോ : -പൊതു വിദ്യാഭ്യാസ വകുപ്പ് സംസഥാന തലത്തിൽ നടത്തിയ മേളകളിൽ പങ്കെടുത്ത് എ ഗ്രേഡ് നേടിയ ചക്കാലക്കൽ ഹയർ സെക്കണ്ടറി സ്‌കൂൾ വിദ്യാർഥികക്ക് പി ടി എ യുടെ ആഭിമുഖ്യത്തിൽ നൽകിയ സ്വീകരണം
