കുന്ദമംഗലത്ത് മാധ്യമപ്രവർത്തകനെ ആക്രമിച്ച പ്രതിയെ ഉടൻ അറസ്റ്റ് ചെയ്യണം:പത്രപ്രവർത്തക അസോസിയേഷൻ.

കോഴിക്കോട്: മാധ്യമം ദിനപത്രത്തിന്റെ കുന്നമംഗലം ലേഖകൻ ഡാനിഷിനെ ആക്രമിച്ച കേസിലെ പ്രതിയെ
ഉടൻ അറസ്റ്റ് ചെയ്യണമെന്ന് കേരള പത്ര പ്രവർത്തക അസോസിയേഷൻ കോഴിക്കോട് ജില്ലാ കമ്മിറ്റി
ആവശ്യപ്പെട്ടു. സുരേഷ് ബാബു എന്നയാളുടെ സ്ഥലത്തു നിന്ന് റോഡിലേക്ക് മണ്ണിട്ടതുമായി ബന്ധപ്പെട്ട് നൽകിയ വാർത്തയാണ് ആക്രമണത്തിന് കാരണമെന്ന് പറയപ്പെടുന്നു. വെള്ളിയാഴ്ച പള്ളിയിൽനിന്ന് വീട്ടിലേക്ക് മടങ്ങുമ്പോഴാണ് വഴിയിൽ വെച്ച് സുരേഷ് ബാബു ഡാനിഷിനെ ആക്രമിച്ചത്. കുന്നമംഗലം പോലീസ് കേസ് രജിസ്റ്റർ ചെയ്തെല്ലെങ്കിലും പ്രതിയെ ഇനിയും അറസ്റ്റ് ചെയ്തിട്ടില്ല. മാധ്യമ സ്വാതന്ത്ര്യത്തിന് നേരെയുള്ള കടന്നാക്രമണങ്ങളെ നിയമപാലകർ ഗൗരവത്തിൽ എടുക്കണമെന്നും അസോസിയേഷൻ സംസ്ഥാന ജനറൽ സെക്രട്ടറി സലിം മൂഴിക്കൽ, ജില്ലാ പ്രസിഡണ്ട് എം കെ അഷ്റഫ്, സെക്രട്ടറി രഞ്ജിത്ത് നിഹാര, ട്രഷറർ സുനിൽകുമാർ കോഴിക്കോട് എന്നിവർ പ്രസ്താവനയിൽ പറഞ്ഞു.