മാവൂർ: മാപ്പിള കലാ രംഗത്ത് സ്തുത്യർഹമായ സേവനമനുഷ്ഠിച്ചതിന് കേരള ഫോക് ലോർ അക്കാദമി അവാർഡിന് അർഹനായ ഉമ്മർ പി. മാവൂരിനെ
കേരള കലാലീഗ് മാവൂർ പഞ്ചായത്ത് കമ്മിറ്റി ആദരിക്കുന്നു. ഫെബ്രുവരി 13 ന് വൈകുന്നേരം നാലിന് മാവൂർ എസ്.ടി.യു ഓഡിറ്റോറിയത്തിൽ വെച്ചാണ് ആദരവ് നൽകുക എന്ന് സംഘാടകർ വാർത്ത സമ്മേളനത്തിൽ അറിയിച്ചു. ഒപ്പന വട്ടപ്പാട്ട് മാപ്പിളപ്പാട്ട് രംഗത്ത് പരിശീലകനായി 30 ലേറെ വർഷം ഉമ്മർ രംഗത്തുണ്ട്. ജില്ലാ – സംസ്ഥാന തലങ്ങളിലെ യുവജനോത്സവങ്ങളിൽ ഉമ്മർ പരിശീലിപ്പിച്ച മാപ്പിള കലകൾക്കാണ് മിക്കവാറും സമ്മാനങ്ങൾ ലഭിക്കാറുള്ളത്.
. ഗ്രാമ പഞ്ചായത്ത് പ്രസിഡന്റ് കെ.സി. വാസന്തി വിജയൻ ഉദ്ഘാ ടനം ചെയ്യും. ജില്ല പ്രസിഡന്റ് സുബൈർ നെല്ലുളി, ജില്ല സെക്രട്ടറി സി. മുനീറത്ത് ടീച്ചർ, നിയോജക മണ്ഡലം പ്രസിഡന്റ് ഹമീദ് പൂവാട്ടുപറമ്പ്, സെക്രട്ടറി മുജീബ് റഹ്മാൻ എടക്കണ്ടി, മുസ്ലിം ലീഗ് മണ്ഡലം എ.കെ. മുഹമ്മദലി ചെറൂപ്പ തുടങ്ങിയവർ പങ്കെടുക്കും. വാർത്തസമ്മേളനത്തിൽ കലാ ലീഗ് മാവൂർ പഞ്ചായത്ത് കമ്മിറ്റി പ്രസിഡണ്ട് അബ്ദുല്ലക്കുട്ടി ചെറൂപ്പ, ജനറൽ സെക്രട്ടറി അൽഫി ഉസ്മാൻ കുറ്റിക്കടവ്, വൈസ് പ്രസിഡന്റ് യൂനുസ് അലി കൽപ്പള്ളി എന്നിവർ പങ്കെടുത്തു.
