കുന്ദമംഗലം : പഞ്ചായത്ത് വനിതാ ലീഗ് കമ്മറ്റി മുറിയനാൽ കൂടത്താലുമ്മൽ നിർധന കുടുംബത്തിന് 14 ലക്ഷം രൂപ ചെലവഴിച്ച് നിർമ്മിച്ച ബൈത്തുറഹ്മയുടെ താക്കോൽ സംസ്ഥാന മുസ്ലിം ലീഗ് സംസ്ഥാന പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങൾ വനിതാ ലീഗ് പഞ്ചായത്ത് പ്രസിഡണ്ട് ഷമീന വെള്ളക്കാട്ടിന് നൽകി നിർവ്വഹിച്ചു.
കേരളത്തിൽ മുസ്ലിം ലീഗ് കമ്മറ്റികളുടെ നേതൃത്വത്തിൽ നിർമ്മിച്ച പതിനായിരത്തിലധികം കാരുണ്യ ഭവനങ്ങളിൽ നിന്നും വ്യത്യസ്തമായി ഒരു പഞ്ചായത്ത് വനിതാ ലീഗ് കമ്മറ്റി മുന്നിട്ടിറങ്ങി നിർമ്മിക്കുന്ന സംസ്ഥാനത്തെ തന്നെ ആദ്യ ബൈത്തുറഹ്മയാണ് കുന്ദമംഗലം പഞ്ചായത്ത് വനിതാ ലീഗ് കമ്മറ്റി നിർമ്മിച്ച ഭവനം.
രണ്ട് ബാത്ത് അറ്റാച്ച്‌ഡ് റൂമുകളും, ഡൈനിങ്ങ് ഹാളും, കിച്ചണും, സ്റ്റെയർകെയ്സും,, സിറ്റൗട്ടും, പോർച്ചും തുടങ്ങി എല്ലാ സൗകര്യങ്ങളോടും കൂടിയാണ് വീട് പണി പൂർത്തീകരിച്ചിരിക്കുന്നത്.
വിവാഹപ്രായമെത്തിയ രണ്ട് പെൺകുട്ടികളുള്ള നിർധന കുടുംബത്തിന് നിർമിച്ച് നൽകുന്ന വീട് അവർക്ക് ഏറ്റവും വലിയ ഒരു സമാശ്വാസമായി.
പഞ്ചായത്ത് വനിതാ മുസ്ലിം ലീഗ് പ്രസിഡണ്ട് ഷമീന വെള്ളക്കാടിൻ്റെ അദ്ധ്യക്ഷതയിൽ നടന്ന ചടങ്ങിൽ
സംസ്ഥാന മുസ്ലീം ലീഗ് സിക്രട്ടറി യു സി രാമൻ, വനിതാ ലീഗ് ദേശീയ ജന:സിക്രട്ടറി അഡ്വ:നൂർബിന റഷീദ് ജില്ലാ പഞ്ചായത്ത് മെമ്പർ എം. ധനീഷ് ലാൽ ,വനിതാ ലീഗ് ജില്ലാ ജനറൽ സിക്രട്ടറി ഷറഫുന്നിസ ടീച്ചർ, ട്രഷറർ എ.പി സഫിയ, വൈസ് പ്രസിഡണ്ട് ടി.കെ സീനത്ത്, യൂത്ത് ലീഗ് ജില്ലാ ട്രഷറർ കെ.എം.എ.റഷീദ്, ബ്ലോക്ക് പഞ്ചായത്ത് പ്രസിഡണ്ട് അരിയിൽ അലവി, മുൻ പ്രസിഡണ്ട് ബാബു നെല്ലൂളി, മുൻ മണ്ഡലം മുസ്ലിം ലീഗ് ജന : സിക്രട്ടറിയും ഗ്രാമ പഞ്ചായത്ത് മുൻ പ്രസിഡണ്ടുമായ ഖാലിദ് കിളിമുണ്ട,
മണ്ഡലം മുസ്ലിം ലീഗ് പ്രസിഡണ്ട് കെ.മൂസ്സ മൗലവി, ജന:സിക്രട്ടറി ഹംസ മാസ്റ്റർ, ട്രഷറർ ഒളോങ്ങൽ ഉസ്സൈൻ, വനിതാ ലീഗ് മണ്ഡലം പ്രസിഡണ്ട് സി.കെ ഫസീല, ജന:സിക്രട്ടറി പി. കൗലത്ത്, ട്രഷറർ ഷറഫുന്നിസ, സിക്രട്ടറി ഷഹർബാൻ ഗഫൂർ പഞ്ചായത്ത് മുസ്ലിം ലീഗ് പ്രസിഡണ്ട് അരിയിൽ മൊയ്തീൻ ഹാജി, ജന. സിക്രട്ടറി എം.ബാബുമോൻ ,ട്രഷറർ സി. അബ്ദുൽ ഗഫൂർ, ഗ്രാമ പഞ്ചായത്ത് മെമ്പർമാരായ കെ.കെ.സി നൗഷാദ്, യു.സി ബുഷറ, സമീറ അരീപ്പുറം , പഞ്ചായത്ത് യൂത്ത് ലീഗ് പ്രസിഡണ്ട് തെക്കയിൽ സിദ്ധീഖ് , ജന. സിക്രട്ടറി കെ.കെ ഷമീൽ, പഞ്ചായത്ത് വനിതാ ലീഗ് ഭാരവാഹികളായ ഇ.എം സുബൈദ, ടി.കെ സൗദ, ആസിഫ റഷീദ്, മിന്നത്ത് കെ.കെ, ശ്രീബ പുൽകുന്നുമ്മൽ, ഉമൈറ
തുടങ്ങി നിരവധി നേതാക്കൾ ചടങ്ങിൽ സംബന്ധിച്ചു..
പഞ്ചായത്ത് വനിതാ ലീഗ് ജന.സിക്രട്ടറി ഫാത്തിമ ജസ് ലിൻ സ്വാഗതവും ട്രഷറർ ഷംസാദ പാറ്റയിൽ നന്ദിയും പറഞ്ഞു.
