കുന്ദമംഗലം : ഗ്രാമ പഞ്ചായത്ത് 14വാർഡ് മെമ്പറുടെ നേതൃത്വത്തിൽ സേവനമേള നടത്തി. എം കെ രാഘവൻ എം പി ഉത്ഘാടനം ചെയ്തു. വാർഡ് മെമ്പർ പി കൗലത്ത് അധ്യക്ഷത വഹിച്ചു. കൺവീനർ ഷിജു മുപ്രമ്മൽ സ്വാഗതം പറഞ്ഞു. സർക്കാർ ആനുകൂല്യങ്ങളായ ക്ഷേമ പെൻഷൻ, സ്വയം തൊഴിൽ സംരംഭം, ഇൻഷുറൻസ് തുടങ്ങിയ 38കാര്യങ്ങളും മെഡിക്കൽ ക്യാമ്പും ഉൾപെടുത്തിയാണ് സേവന മേള നടത്തിയത്. വിവിധ സമയങ്ങളിലായി 400ൽ അധികം ആളുകൾ പങ്കെടുത്തു. വാർഡിലെ ഹരിത കർമസേന അംഗങ്ങളെയും തൊഴിലുറപ്പ് പ്രവർത്തകരെയും ആദരിക്കുകയും രോഗികൾക്ക് ചികിത്സ ധനസഹായം നൽകുകയും ചെയ്തു. ബ്ലോക്ക് പഞ്ചായത്ത് പ്രസിഡന്റ് അരിയിൽ അലവി മുഖ്യഥിതി ആയിരുന്നു. ജില്ലാ പഞ്ചായത്ത് മെമ്പർ എം ധനീഷ് ലാൽ വാർഡ് 8 മെമ്പർ കെ.കെ. സി നൗഷാദ്, അമീൻ എം കെ ബൈജു എംകെ,ടി പി സുരേഷ് ,ഒ വേലായുധൻ, ടി പി ബഷീർ,ഐ മുഹമ്മദ്‌ കോയ,ബേബി പിജെ, സജിനി, ഷീന എന്നിവർ സംസാരിച്ചു. നന്ദിനി നന്ദി പറഞ്ഞു.