കുന്ദമംഗലം: നാലുദിവസങ്ങളിലായി കുന്ദമംഗലത്ത് വെച്ച് നടക്കുന്ന ഉപജില്ലാ കലോത്സ വത്തിന് ഗംഭീര തുടക്കം. കുന്ദമംഗലം എ യു പി സ്കൂളിൽ വെച്ച് നടന്ന ചടങ്ങിൽ അഡ്വ.പി ടി എ റഹിം എം എൽ എ മേളയുടെ ഔപചാരിക ഉദ്ഘാടനം നിർവഹിച്ചു.ഗ്രാമപഞ്ചായത്ത് പ്രസിഡൻ്റ് ലിജി പുൽക്കുന്നുമ്മൽ അധ്യക്ഷത വഹിച്ചു.മിമിക്രി താരം ഗിനീഷ് ഗോവിന്ദ്, പിന്നണി ഗായിക ദേവനന്ദ എം എസ് എന്നിവർ മുഖ്യാഥിതികളായി. വിവിധ സർക്കാർ വകുപ്പുകളിലെ നർത്തകിമാരുടെ സ്വാഗത നൃത്തവും അധ്യാപകരുടെ സ്വാഗത ഗാനവും ചടങ്ങിന് കൊഴുപ്പേകി. ഉപജില്ലാ വിദ്യാഭ്യാസ ഓഫീസർ കെ ജെ പോൾ ആമുഖ പ്രഭാഷണം നടത്തി.കലോത്സവ ലോഗോ രൂപകൽപന ചെയ്ത പി വി കൃഷ്ണൻ മാസ്റ്റർക്ക് ഗ്രാമപഞ്ചായത്ത് വൈസ് പ്രസിഡൻറ് വി അനിൽകുമാർ ഉപഹാര സമർപ്പണം നടത്തി.
ജില്ലാ പഞ്ചായത്ത് അംഗം എം ധനീഷ് ലാൽ, ബ്ലോക്ക് പഞ്ചായത്ത് സ്റ്റാൻ്റിംഗ് കമ്മറ്റി ചെയർമാൻ എൻ ഷിയോ ലാൽ, പഞ്ചായത്ത് സ്ഥിരം സമിതി അധ്യക്ഷന്മാരായ യു സി പ്രീതി, ഷബ്ന റഷീദ് ഗ്രാമപഞ്ചായത്ത് അംഗങ്ങളായ ഷൈജ വളപ്പിൽ, കെ കെ സി നൗ ഷാദ്, സജിത ഷാജി, സ്വാഗത സംഘം ജനറൽ കൺവീനർ ഒ.കല, സ്വീകരണ കമ്മറ്റി കൺവീനർ അഷ്റഫ് വി, കുന്ദമംഗലം സർക്കിൾ ഇൻസ്പെക്ടർ എ ശീകുമാർ. എന്നിവർ പ്രസംഗിച്ചു.
