ചാത്തമംഗലം : ചാത്തമംഗലം എം.ഇ.എസ് കോളേജ് ഓഫ് ആർട്സ് ആന്റ് സയൻസസിൽ . കോഴിക്കോട് ജില്ല ലീഗൽ സർവീസ് അതോറിറ്റി യുടെ സെക്രട്ടറി സബ് ജഡ്ജ് ശ്രീ. ഷൈജൽ എം.പി റാഗിംഗിനെതിരെ വിദ്യാർത്ഥികൾക്കായി ബോധവത്ക്കരണ ക്ലാസ് ഉദ്ഘാടനം ചെയ്തു. റാഗിംഗ് ഒരു തരത്തിലും വകവെച്ച് കൊടുക്കേണ്ട ഒന്നല്ലെന്നും കുട്ടികൾ ഒറ്റക്കെട്ടായി നിന്ന് റാഗിംഗിനെതിരെ ശക്തമായി പോരാടണമെന്നും അദ്ദേഹം പറഞ്ഞു. കോളേജ് പ്രിൻസിപ്പൽ ഷെഫീക് ആലത്തൂരിന്റെ അദ്ധ്യക്ഷതയിൽ നടന്ന ചടങ്ങിൽ കോളേജ് മാനേജ്മെന്റ് സെക്രട്ടറി പ്രൊഫ.വി. കുട്ടൂസ മുഖ്യപ്രഭാഷണം നടത്തി. ആന്റി റാഗിംഗ് കമ്മിറ്റി കൺവീനർ തഹ്സിൻ എം , ആന്റി റാഗിംഗ് സ്ക്വാഡ് കൺവീനർ ഈസ ടി. എം, കൊമേഴ്സ് വിഭാഗം മേധാവി മുസ്തഫ ഷമീം എന്നിവർ ആശംസകളർപ്പിച്ചു. വൈസ് പ്രിൻസിപ്പൽ പ്രൊഫ. ഇ.അബ്ദു റസാഖ് സ്വാഗതവും സ്റ്റാഫ് സെക്രട്ടറി സുമയത്ത് നന്ദിയും പ്രകാശിപ്പിച്ചു
