കുന്ദമംഗലം: ജില്ലാ വോളിബോൾ അസോസിയേഷൻ്റെ ആഭിമുഖ്യത്തിൽ നടന്ന ജില്ലാ
മിനി വോളിബോൾ ചാമ്പ്യൻഷിപ്പിൽ ആൺകുട്ടികളുടെ വിഭാഗത്തിലും പെൺകുട്ടികളുടെ വിഭാഗത്തിലും ജേതാക്കളായ കാരന്തൂർ പാറ്റേൺ സ്പോർട്സ് ക്ലബ്ബിന് ഇരട്ടക്കിരീടം. കാരന്തൂരിൽ നടന്ന മത്സരത്തിൽ ആൺകുട്ടികളുടെ വിഭാഗത്തിൽ ഫൈനലിൽ വോളി ഫ്രണ്ട്സ് പയമ്പ്രയെ പരാജയപ്പെടുത്തിയാണ് പാറ്റേൺ ജേതാക്കളായത്. പെൺകുട്ടികളുടെ വിഭാഗത്തിൽ ഡയറക്ഷൻ ചാത്തമംഗലത്തെ പരാജയപ്പെടുത്തി പാറ്റേൺ ജേതാക്കളായി. കുന്ദമംഗലം ഗ്രാമ പഞ്ചായത്ത് വൈസ് പ്രസിഡണ്ട് വി.അനിൽകുമാർ, ഡോ.സഫീറ എന്നിവർ സമ്മാനങ്ങൾ വിതരണം ചെയ്തു.പി.പ്രദീപൻ അധ്യക്ഷത വഹിച്ചു.കെ.കെ.മുസ്തഫ, സി.യൂസഫ്, ടി.പി. നിധീഷ്, പി.എൻ.ശശിധരൻ എന്നിവർ സംസാരിച്ചു.
ജില്ലാ സ്പോർട്സ് കൗൺസിലിൻ്റെ ആഭിമുഖ്യത്തിൽ നടന്ന ജില്ല മിനി വോളിബോൾ ചാമ്പ്യൻഷിപ്പിലും കാരന്തൂർ പറ്റേൺ ക്ളബ്ബ് ഇരട്ടക്കിരീടം നേടിയിരുന്നു.