കുന്ദമംഗലം : ജില്ലാ പഞ്ചായത്ത് സമഗ്ര വിദ്യാഭ്യാസ പദ്ധതിയുടെ ഭാഗമായി തെരഞ്ഞെടുത്ത സ്‌കൂളുകളില്‍ നടപ്പിലാക്കുന്ന കൃഷിപാഠം പദ്ധതി മർകസ് ഗേൾസ് ഹയര്‍ സെക്കണ്ടറി സ്‌കൂളില്‍തുടങ്ങി പ്രിൻസിപ്പൽ എ റഷീദ് മാസ്റ്ററുടെ
അധ്യക്ഷതയിൽ ബ്ലോക്ക് പഞ്ചായത്ത് പ്രസിഡന്റ് ബാബു നെല്ലൂളി ഉദ്ഘാടനം ചെയ്തു. ജില്ലാ പഞ്ചായത്ത് മെമ്പർ എം ധനീഷ്ലാൽ മുഖ്യാഥിതിയായിരുന്നു. കൃഷി ഓഫീസർ എ അഥീന സന്ദേശപ്രഭാഷണം നടത്തി. പി ടി എ പ്രസിഡന്റ് കെ. മൊയ്തീൻ കോയ, കെ സഫിയ , കെ ഫിറോസ് , സി മുഹമ്മദ് ഷാജി പ്രസംഗിച്ചു.
കോഡിനേറ്റർ ഡോ. അബൂബക്കർ നിസാമി സ്വാഗതവും റഷീജ നന്ദിയും പറഞ്ഞു.
കൃഷിപാഠം പദ്ധതിയുടെ ഭാഗമായി സ്‌കൂളിലെ അമ്പത് വിദ്യാര്‍ത്ഥികള്‍ക്കും രക്ഷിതാക്കൾക്കും പരിശീലനം നല്‍കി. കൃഷി വകുപ്പിന്റെ സഹകരണത്തോടെ നടപ്പിലാക്കുന്ന പ്രസ്തുത
പദ്ധതിയിൽ പങ്കാളികളാവുന്ന വിദ്യാർഥികൾക്ക് നടീല്‍ വസ്തുക്കളും വളവും ലഭ്യമാക്കും.