കുന്ദമംഗലം:കോവിഡ് – 19 ക്രിട്ടിക്കൽ കണ്ടയ്ൻമെന്റ് സോണായ
പൈങ്ങോട്ടുപുറത്തിന് ആശ്വാസമായി വാർഡ് മുസ്ലീലീഗ് കമ്മിറ്റിയുടെ നേതൃത്വത്തിൽ ആരംഭിക്കുന്ന കോവിഡ് കെയർ സെന്റർ ഉദ്ഘാടനം സി എച്ച് സെന്റർ പ്രസിഡന്റ് കെ പി കോയ സാഹിബ് നിർവഹിച്ചു. കോവിഡ് രോഗികൾക്ക് ആവശ്യ സേവനവുമായി ആരംഭിക്കുന്ന കോവിഡ് കെയർ വാഹനം പ്രവാസി ലീഗ് ജില്ലാ പ്രസിഡന്റ് കെ.എം അഹമ്മദ് നാടിന് സമർപ്പിച്ചു. ചടങ്ങിൽ കെ.പി. അബ്ബാസ്, ബഷീർ മാസ്റ്റർ, കെ.പി. സൈഫുദ്ധീൻ, എൻ.എം അൽത്താഫ്, ഉബൈദ് ജി.കെ,അബ്ദുറഹിമാൻ ,സക്കീർ കെ., സമീറ അരീപ്പുറം, ഇ എം സുബൈദ തുടങ്ങിയവർ പങ്കെടുത്തു. വൈറ്റ് ഗാർഡ് പഞ്ചായത്ത് ക്യാപ്റ്റൻ നൗഷാദ് പി.കെ.യുടെ നേതൃത്വത്തിൽ പ്രദേശം അണുവിമുക്തമാക്കി. വൈറ്റ് ഗാർഡ് അംഗങ്ങളായ ആസിഫലി , ഷംസുദ്ധീൻ, അൻസിൽ തുടങ്ങിയവർ നേതൃത്വം നൽകി.
