കാറിടിച്ച് ഓട്ടോ മറിഞ്ഞ് പരിക്കേറ്റ് ചികിത്സയിലായിരുന്ന ആൾ മരിച്ചു 

കുന്ദമംഗലം: അതിവേഗതയിൽ വന്ന കാർ ഓട്ടോയിലിടിച്ച് പരിക്കേറ്റ് ചികിത്സയിലായിരുന്ന ആൾ മരിച്ചു. പുവ്വാട്ടുപറമ്പ് മുണ്ടക്കൽ ‘ ഉത്രട്ടാതി ‘യിൽ കെ പി രാമചന്ദ്രൻ (62) ആണ് മരിച്ചത്. സി പി ഐ എം മുണ്ടക്കൽ ബ്രാഞ്ചംഗമാണ് .16 ന് ഇരിങ്ങാടൻപള്ളി ജംഗ്ഷനിൽ രാവിലെ പത്തരക്കായിരുന്നു അപകടം. ഇടിയുടെ ആഘാതത്തിൽ ഇദ്ദേഹത്തിൻ്റെ ഓട്ടോ തലകീഴായി മറിയുകയായിരുന്നു. അപകടത്തിൽ വാരിയെല്ല് തകർന്ന് ആന്തരിക രക്തസ്രാവമുണ്ടായതിനെ തുടർന്ന് അത്യാഹിത വിഭാഗത്തിൽ  വെൻ്റിലേറ്ററിലായിരുന്നു. ശനിയാഴ്ച പുലർച്ചെ ആശുപത്രിയിലായിരുന്നു മരണം . ഭാര്യ: ബേബിഗിരിജ ( സി പി ഐ എം മുണ്ടക്കൽ ബ്രാഞ്ചംഗം). മക്കൾ: രാഖി ( സഹകരണ ആശുപത്രി, കോഴിക്കോട്), രാഗേഷ് ( കെ എസ് ആർ ടി സി , കോഴിക്കോട്) , രേഷ്മ ( വി ഇ ഒ ,ഉള്ള്യേരി പഞ്ചായത്ത് ) . മരുമക്കൾ: ഷാജി ( ഒളവണ്ണ സ്റ്റാർ ടൈൽസ് വർക്സ് ), രോഷ്ണ ( പാലത്ത് ) , അജീഷ് ( അഴിഞ്ഞിലം) .