കുന്ദമംഗലം: ചൈനയുടെ കടന്നുകയറ്റത്തിനിടെ ലഡാക്കിലെ ഗാൽവാൻ താഴ് വരകളിൽ രാജ്യത്തിൻ്റെ അഖണ്ഡതയും അതിർത്തിയും കാത്തു സംരക്ഷിക്കുന്നതിനിടെ ജീവൻ ബലിയർപ്പിക്കപ്പെട്ട ധീര ജവാന്മാർക്ക് ആദരാഞ്ജലികൾ അർപ്പിച്ച് എ.ഐ.സി.സി.യുടെ നിർദ്ദേശപ്രകാരം കോൺഗ്രസ് “ഷഹീദോം കോ സലാം ദിവസ് ” എന്ന പേരിൽ പരിപാടി സംഘടിപ്പിച്ചു. കുന്ദമംഗലം മണ്ഡലം കോൺഗ്രസ് കമ്മറ്റിയുടെ നേതൃത്വ ത്തിൽ ടൗണിിലെ ഗാന്ധി സ്ക്വയറിൽ ഗാന്ധി പ്രതിമക്ക് മുമ്പിൽ മുമ്പിൽ ആദരാഞ്ജലികൾ അർപ്പിച്ചു. ഗാന്ധി പ്രതിമയിൽ പുഷ്പാർച്ചനക്ക് ശേഷം നടന്ന പരിപാടിയിൽ മണ്ഡലം പ്രസിഡണ്ട് ബാബു നെല്ലൂളി നേതൃത്വം നൽകി.ഡിസിസി ജനറൽ സെക്രട്ടറി വിനോദ് പടനിലം ,ഡി സി സി മെമ്പർ മറുവാട്ട് മാധവൻ, ബ്ലോക്ക് കോൺഗ്രസ് പ്രസിഡണ്ട് എം പി.കേളുക്കുട്ടി, ഭാരവാഹികളായ പി.ഷൗക്കത്തലി, ടി.കെ ഹിതേഷ് കുമാർ എ.ഹരിിദാസൻ, മണ്ഡലം ഭാരവാഹികളായ തൂലിക മോഹനൻ, സി പി രമേശൻ, വിമുക്തത ഭടൻ സുകുമാരൻ നായർ, ബൈജു തീക്കുന്നുമ്മൽ, പി പി അച്ചുതൻ പങ്കെടുത്തു.
ഗാൽവാൻ താഴ് വരകളിൽ വീരമൃത്യു വരിച്ച ജവാന്മാർക്ക് ആദരാഞ്ജലികൾ അർപ്പിച്ചു.
