പെരിങ്ങൊളം :ഗവണ്മെന്റ് ഹയർ സെക്കന്ററി സ്കൂളിലെ നാഷണൽ സർവീസ് സ്കീമിന്റെ ആഭിമുഖ്യത്തിൽ കുന്നമംഗലം ഈസ്റ്റ്‌ എ യു പി സ്കൂളിൽ വെച്ച് നടക്കുന്ന സപ്ത ദിന സഹവാസ ക്യാമ്പിന്റെ ഭാഗമായി അങ്കണവാടി നവീകരിച്ചു. ചെത്തുകടവ് രാജീവ്‌ ഗാന്ധി കോളനിയിലെ ഒ. പി. വാസു സ്മാരക അങ്കണവാടിയാണ് എൻ. എസ്. എസ് വളണ്ടിയർമാർ പെയിന്റ് അടിച്ചു നവീകരിച്ചത്. അങ്കണവാടിയുടെ പരിസരം വൃത്തിയാക്കുകയും പെയിന്റടിച്ചു സൗന്ദര്യവൽക്കരിക്കുകയും ചെയ്തു. പി ടി എ പ്രസിഡന്റ്‌ ആർ. വി. ജാഫർ, എസ് എം സി ചെയർമാൻ ശബരീശൻ, എൻ എസ് എസ് പ്രോഗ്രാം ഓഫീസർ യു കെ അനിൽകുമാർ, ശങ്കര നാരായണൻ മാസ്റ്റർ, എൻ. പ്രഭാകരൻ, അമീൻ അക്തർ എന്നിവർ നേതൃത്വം നൽകി. ക്യാമ്പിനോട് അനുബന്ധിച്ചു സ്കൂൾ മുറ്റത്ത് ഗ്രോബാഗിൽ പച്ചക്കറി കൃഷി നടത്തി. പരിസരത്തുള്ള വീടുകളിൽ അടുക്കളത്തോട്ടവും നിർമിച്ചു.
എൻ. എസ്. എസ് വളണ്ടിയർമാർ അങ്കണവാടി നവീകരിച്ചു
