ടൂറിസ്റ്റ് ബസിന് മുകളിൽ വിദ്യാർത്ഥികളുടെ ജന്മദിനാഘോഷം നടപടി എടുത്ത് മോട്ടോർ വാഹന വകുപ്പ്

കൊടുവള്ളി: ടൂറിസ്റ്റ് ബസിന് മുകളിൽ സ്ക്കൂൾ വിദ്യാർത്ഥികളുടെ ജന്മദിനാഘോഷം .ഇക്കയിഞ്ഞ ഒന്നാം തിയ്യതി താമരശ്ശേരി കോരങ്ങാട് ഹയർ സെക്കണ്ടറി സ്ക്കൂളിൽ നിന്നും കൂർഗിലേക്ക് വിനോദയാത്രക്ക് പോയ KL – 35 D5858 ഹിറ ഹോളിഡേഴ്സ് എന്ന വാഹനത്തിന്റെ മുകളിൽ വെച്ച് കുട്ടികൾ പടക്കങ്ങളും പൂത്തിരികളും ഉൾപെടുത്തി കൊണ്ട് നടത്തിയ ജന്മദിനാഘോഷം ദൃശ്യമാധ്യമങ്ങളിലുടെ പുറത്ത് വന്ന സാഹചര്യത്തിലാണ് കൊടുവള്ളി മോട്ടോർ വാഹന വകുപ്പ് ബസ് പിടിച്ചെടുത്തത് പരിശോധനയിൽ വേഗപൂട്ട് വിഛേദനം, വാഹനത്തിന്റെ അനധികൃത രൂപമാറ്റം, നിരോധിക്കപെട്ട ലൈറ്റ് മ്യൂസിക് സിസ്റ്റം തുടങ്ങിയ ഗുരുതരമായ നിയമ ലംഘനവും കണ്ടെത്തി.തുടർ നടപടിക്കായി വാഹനം ചേവായൂർ മോട്ടോർ വാഹന വകുപ്പിന്റെ ഗ്രൗണ്ടിലേക്ക് മാറ്റി വാഹനത്തിന്റെ ഫിറ്റ്നസ് സർട്ടിഫിക്കറ്റ് റദ്ദാക്കുമെന്ന് മോട്ടോർ വെഹിക്കിൾ ഇൻസ്പെക്ടർ ഗിരിഷ് എം.ജി യും ,ഷെബീർ മുഹമ്മദും അറിയിച്ചു ബസ്പരിശോധനയിൽ അസി: മോട്ടോർ വെഹിക്കിൾ ഇൻസ്പെക്ടർമാരായ സൂരജും പ്രജീഷും നേതൃത്വം നൽകി ഫോട്ടോ: ബസിന് മുകളിൽ നിന്നും വിദ്യാർത്ഥികൾ പൂത്തിരി കത്തിച്ചും മറ്റും ജമദിനാഘോഷം കൊണ്ടാടിയ ബസ് മോട്ടോർ വെഹിക്കിൾ ഇൻസ്പെക്ടർമാർ കസ്റ്റഡിയിൽ എടുത്തപ്പോൾ