കുന്ദമംഗലം: ജില്ല വോളിബോൾ ലീഗ് ചാമ്പ്യൻഷിപ്പ് സീനിയർ വിഭാഗം കുന്ദമംഗലം മേഖലാ മത്സരത്തിൽ സാവോസ് നരിക്കുനിക്കുനി ടീം ജേതാക്കളായി. കാരന്തൂർ പാറ്റേൺ സ്പോർട്സ് ടീമിനെ എതിരില്ലാത്ത മൂന്ന് സെറ്റുകൾക്ക് (സ്കോർ 25-22, 25-18, 25-21) പരാജയപ്പെടുത്തിയാണ് സാവോസ്
നരിക്കുനി ജേതാക്കളായത്.കാരന്തൂർ പാറ്റേൺ ഗ്രൗണ്ടിൽ നടന്ന ചാമ്പ്യൻഷിപ്പിൽ നിന്ന് സെമി ഫൈനലിലെത്തിയ നാല് ടീമുകൾ കുറ്റ്യാടിയിൽ നടക്കുന്ന സൂപ്പർ ലീഗ് ചാമ്പ്യൻഷിപ്പിൽ കളിക്കാൻ അർഹത നേടി.സാവോസ് നരിക്കുനി, പാറ്റേൺ കാരന്തൂർ ,ജോളി മാനിപുരം, ഗ്രീൻ സ്റ്റാർ നരിക്കുനി ടീമുകളാണ് കുറ്റ്യാടിയിൽ
നടക്കുന്ന കോഴിക്കോട് ജില്ല സീനിയർ
വോളിബോൾ ലീഗ് ചാമ്പ്യൻഷിപ്പ് ഇൻറർസോൺ മത്സരത്തിൽ കുന്ദമംഗലം മേഖലയെ പ്രതിനിധീകരിച്ച് പങ്കെടുക്കുക.
ജില്ല വോളിബോൾ ലീഗ് ചാമ്പ്യൻഷിപ്പ് സീനിയർ വിഭാഗം കുന്ദമംഗലം മേഖലാ മത്സരത്തിൽ സാവോസ് നരിക്കുനിക്കുനി ടീം ജേതാക്കളായി.
