കുന്ദമംഗലം മേഖല വോളിബോൾ ചാമ്പ്യൻഷിപ്പ്: നരിക്കുനി, മാനിപുരം, കാരന്തൂർ ടീമുകൾ സെമിയിൽ

കുന്ദമംഗലം: ജില്ല വോളിബോൾ ലീഗ് ചാമ്പ്യൻഷിപ്പ് സീനിയർ വിഭാഗം കുന്ദമംഗലം മേഖല മത്സരത്തിൽ സാവോസ് നരിക്കുനി, ഗ്രീൻസ്റ്റാർ നരിക്കുനി, ജോളി മാനിപുരം, പാറ്റേൺ കാരന്തൂർ ടീമുകൾ സെമിഫൈനലിൽ പ്രവേശിച്ചു. കാരന്തൂർ പാറ്റേൺ ഗ്രൗണ്ടിൽ നടന്ന മത്സരത്തിൽ ജോളി മാനിപുരം ടീം വേദി പന്തീർപാടം ടീമിനെയും പാറ്റേൺ കാരന്തൂർ ടീം പ്രതിഭ വെളളന്നൂർ ടീമിനെയും, സാവോസ് നരിക്കുനി ടീം ഹെക്സാസ് കുട്ടമ്പൂർ ടീമിനെയും ഗ്രീൻ സ്റ്റാർ നരിക്കുനി ടീം സൊപ്രാനോ പാലങ്ങാട് ടീമിനെയും പരാജയപ്പെടുത്തിയാണ് സെമിയിൽ പ്രവേശിച്ചത്. ബുധനാഴ്ച നടക്കുന്ന
സെമിഫൈനലിൽ ഗ്രീൻ സ്റ്റാർ നരിക്കുനി ടീം സാവോസ് നരിക്കുനിയെയും, പാറ്റേൺ കാരന്തൂർ ടീം ജോളി മാനിപുരത്തെയും നേരിടും.തുടർന്ന് ഫൈനൽ മത്സരവും നടക്കും.