കുന്ദമംഗലം:പരിസ്ഥിതി വാരാചരണത്തിന്റെ ഭാഗമായി കുന്ദമംഗലം നിയോജക മണ്ഡലം മുസ്‌ലിം യൂത്ത് ലീഗ് കമ്മിറ്റി സംഘടിപ്പിച്ച ഓൺലൈൻ പരിസ്ഥിതി ക്വിസിൽ ഒന്നാം സ്ഥാനം കരസ്ഥമാക്കിയ അഭിഷേക് ജയകുമാർ, ജംനാസ് പൂളേങ്കര, സൻസീർ ചെറൂപ്പ എന്നിവർക്കുള്ള ഉപഹാര സമർപ്പണം മുസ്‌ലിം ലീഗ് ദേശീയ സെക്രട്ടറി അബ്ദുസ്സമദ് സമദാനി, സി ആർ നീലകണ്ഠൻ, സിവിക് ചന്ദ്രൻ എന്നിവർ നിർവഹിച്ചു. പരിസ്ഥിതി വാരാചരണത്തിന്റെ ഭാഗമായി യൂണിറ്റ് ട്രീ ചലഞ്ച്, പരിസ്ഥിതി ദിനത്തിൽ ഗ്രാമങ്ങൾ തോറും വൃക്ഷ തൈ നടൽ, പരിസ്ഥിതി ബോധവത്കരണം, യൂത്ത് ലീഗ് കമ്മിറ്റിയുടെ കീഴിൽ കഴിഞ്ഞ കാലങ്ങളിൽ നട്ട മരങ്ങളുടെ വിവര ശേഖരണം തുടങ്ങിയവ നടന്നിരുന്നു.
ചടങ്ങിൽ കുട്ടി അഹമ്മദ്‌ കുട്ടി, ഉമ്മർ പാണ്ടികശാല എം എസ് എഫ് സംസ്ഥാന പ്രസിഡന്റ്‌ മിസ്ഹബ് കീഴരിയൂർ, യൂത്ത് ലീഗ് സംസ്ഥാന സെക്രട്ടറി ആഷിഖ് ചെലവൂർ, യൂത്ത് ലീഗ് ജില്ലാ സെക്രട്ടറി എ കെ ഷൗക്കത്ത്, കുന്നമംഗലം നിയോജക മണ്ഡലം യൂത്ത് ലീഗ് പ്രസിഡന്റ്‌ എം ബാബുമോൻ, ജനറൽ സെക്രട്ടറി ഒ എം നൗഷാദ്, ട്രഷറർ കെ ജാഫർ സാദിഖ്, ടി പി എം സാദിഖ് പങ്കെടുത്തു
പരിസ്ഥിതി വാരാചരണം: കുന്ദമംഗലം നിയോജക മണ്ഡലം മുസ്‌ലിം യൂത്ത് ലീഗ് കമ്മിറ്റി സംഘടിപ്പിച്ച ക്വിസ് മത്സര വിജയികൾക്ക് അനുമോദനവും ഉപഹാരവും
