കുന്ദമംഗലം: കോഴിക്കോട് ലോക്സഭാ മണ്ഡലത്തിൽ നിന്ന് മൂന്നാം തവണ ചരിത്ര വിജയം നേടിയ എം.കെ. രാഘവൻ എം.പി. വോട്ടർമാർക്ക് നന്ദി പറയാൻ കുന്ദമംഗലം മണ്ഡലത്തിൽ പര്യടനം നടത്തി. കുന്ദമംഗലം ഗ്രാമ പഞ്ചായത്തിലെ പൈങ്ങോട്ടു പുറത്ത് നിന്ന് ആരംഭിച്ച പര്യടനം മുൻ ഡി സി സി പ്രസിഡണ്ട് കെ.സി.അബു ഉദ്ഘാടനം ചെയ്തു. ഗ്രാമ പഞ്ചായത്ത് വൈസ് പ്രസിഡണ്ട് കെ.പി. കോയ അധ്യക്ഷത വഹിച്ചു. യു .സി . രാമൻ എക്സ് എം എൽ എ , യു ഡി എഫ് തെരഞ്ഞെടുപ്പ് സമിതി ഭാരവാഹികളായ ചെയർമാൻ ഖാലിദ് കിളി മുണ്ട , ജനറൽ കൺവീനർ സി.മാധവദാസ്, പി.മൊയ്തീൻ മാസ്റ്റർ, പി.സി.അബ്ദുൾ കരീം, ഡി സി സി ജനറൽ സെക്രട്ടറിമാരായ ചോലക്കൽ രാജേന്ദ്രൻ, വിനോദ് പടനിലം, യൂത്ത് ലീഗ് അഖിലേന്ത്യാ എക്സിക്യൂട്ടീവ് അംഗം യൂസഫ് പടനിലം, കുന്ദമംഗലം ബ്ലോക്ക് കോൺഗ്രസ് പ്രസിഡണ്ട് എം. പി കേളുക്കുട്ടി, മണ്ഡലം കോൺഗ്രസ് പ്രസിഡണ്ട് ബാബു നെല്ലൂളി, മുസ്ലിം ലീഗ് മണ്ഡലം പ്രസിഡണ്ട് ഒ.ഉസ്സയിൻ, ഗ്രാമ പഞ്ചായത്ത് പ്രസിഡണ്ട് ഷൈജ വളപ്പിൽ, ജില്ലാ പഞ്ചായത്തംഗം രജനി തടത്തിൽ, യൂത്ത് കോൺഗ്രസ് പാർലമെന്റ് മണ്ഡലം സെക്രട്ടറി സി വി സംജിത്ത്, മുസ്ലിം യൂത്ത് ലീഗ് മണ്ഡലം പ്രസിഡണ്ട് എം. ബാബുമോൻ പ്രസംഗിച്ചു.
വോട്ടർമാർക്ക് നന്ദി പറയാൻ എം.കെ രാഘവൻ കുന്ദമംഗലത്ത് പര്യടനം നടത്തി.
