കുന്ദമംഗലം: പന്തീർപാടം പ്രദേശത്തെ സി.പി.എം പാർട്ടി കുടുംബമായ പാറപ്പുറത്ത് ബാബു-ഷീബ ദമ്പതികളുടെ മകനും റിലയൻസ് ജീവനക്കാരനുമായ ഷെബിനും ചേവായൂർ സ്വദേശിനി നമിതയും വിവാഹിതരായി പുതുജീവിതത്തിലേക്ക് കാലെടുത്തുവെച്ചത് സി.എച്ച് സെൻററിൻ്റെ പ്രവർത്തനഫണ്ടിലേക്ക് സംഭാവന നൽകികൊണ്ടാണ്. ഷെബിൻ്റെ ബന്ധുക്കളേയും സഹപ്രവർത്തകരായ മുഹമ്മദ് പാലക്കാട്ടിൽ,
കെ.പി നൗഷാദ് ,
പി.കെബാസിത്,
പി.കെ റിയാസ് എന്നിവരേയും സാക്ഷി നിർത്തിയാണ് ഷെബിൻ ഫണ്ട് മുൻ എം.എൽ എ യു.സി രാമന് കൈമാറിയത്
ജീവകാരുണ്യ പ്രവർത്തനത്തിൽ സമാനതകളില്ലാത്ത പ്രസ്ഥാനത്തിെൻറ പേരാണ് സി.എച്ച് സെൻറർ. സമൂഹത്തിലെ ആബാലവൃദ്ധം ജനങ്ങളും ഇൗ പ്രസ്ഥാനത്തെ ഏറ്റെടുത്തു എന്നതിൻ്റെ ഒട്ടനവധി ഉദാഹരണങ്ങളിൽ ഒന്നാണ് ഇൗ മാതൃകാ പ്രവർത്തനം. പാറപ്പറത്ത് കുടുംബാംഗങ്ങളോട് ഞങ്ങൾക്കുള്ള കടപ്പാട് യു സി രേഖപ്പെടുത്തി.
ഷെബിനും നമിതക്കും ഒരായിരം നന്ദിയും പുതുജീവിതത്തിന് ഒരായിരം ഭാവുകങ്ങളും ചടങ്ങിൽ പങ്കെടുത്തവർ ഒന്നടങ്കം അർപ്പിക്കുകയും ചെയ്തു ഫോട്ടോ: ഇന്നലെവിവാഹ ജീവിതത്തിലേക്ക് കടക്കും മുമ്പ് പന്തീർപാടം ഷെബിൻ സി.എച്ച് സെന്ററിലേക്ക് ഉള്ള തുക യു.സി രാമനെ ഏൽപിക്കുന്നു