കുന്ദമംഗലം:സംസ്ഥാന ഹജ്ജ് കമ്മറ്റിയുടെ ആഭിമുഖ്യത്തിൽ കോഴിക്കോട് ജില്ലയിലെ രണ്ടാം ഘട്ട ഹജ്ജ് പഠനക്ലാസ് നടത്തി
കാരന്തൂർ മർകസ് ഓഡിറ്റോറിയത്തിൽ വെച്ച് നടന്ന സാങ്കേതിക പഠന ക്ലാസ് സംസ്ഥാന ഹജ് കമ്മറ്റി ചെയർമാൻ സി.മുഹമ്മദ് ഫൈസി ഉദ്‌ഘാടനം നിർവഹിച്ചു.സമൂഹ നന്മക്ക് വേണ്ടി പ്രാർത്ഥിക്കാൻ അദ്ദേഹം അഭ്യർത്ഥിച്ചു. മണ്ഡലത്തിലെ തിരഞ്ഞെടുക്കപ്പെട്ട ഹാജിമാർക്ക് പുറമെ ജില്ലയിലെ മറ്റു ക്ലാസ്സുകളിൽ പങ്കെടുക്കാൻ സാധിക്കാതെ പോയ ഹാജിമാരും 3000 വരെ വെയ്റ്റിംഗ് ലിസ്റ്റിൽ ഉൾപ്പെട്ട ഹാജിമാരും പങ്കെടുത്തു. ഹജ് കമ്മറ്റി കോർഡിനേറ്റർ പി.കെഅസ്സൈൻ അധ്യക്ഷത വഹിച്ചു. മുൻഹജ്ജ് കമ്മറ്റി ചെയർമാൻ പ്രൊ:.അബ്ദുൽ ഹമീദ്, മാസ്റ്റർ ട്രെയിനർ അഹമ്മദ് കബീർ, റഷീദ് സഖാഫി, അബ്ദുൽ ഖാദർ ഹാജി, അബ്ദുസ്സലാം ബുസ്താനി എന്നിവർ സംസാരിച്ചു. ജില്ലാ ട്രെയിനർ ബാപ്പു ഹാജി, അസി:ജില്ലാ ട്രെയിനർ യു.പി.ഹമീദ് മാസ്റ്റർ എന്നിവർ ക്ലാസ് നിയന്ത്രിച്ചു. എ.പി..മുഹമ്മദ് സ്വാഗതവും ടി.അബ്ദുൽ സലീം നന്ദിയും പറഞ്ഞു.
