കെട്ടാങ്ങൽ: കോഴിക്കോട് ലോക് സഭ യു.ഡി എഫ് സ്ഥാനാർത്ഥി എം.കെ രാഘവന്റെ തിരഞ്ഞെടുപ്പ് പ്രചരണാർത്ഥംചാത്തമംഗലം പഞ്ചായത്ത്‌ തെക്കൻ മേഖല യു. ഡി. എഫ്. തെരഞ്ഞെടുപ്പു കൺവെൻഷൻ വെള്ളലശ്ശേരിയിൽ നടന്നു. 501 അംഗ കമ്മിറ്റിക്കു രൂപം നൽകി. എക്സ് എം.എൽ. എ. യു. സി. രാമൻ ഉദ്‌ഘാടനം ചെയ്തു. പഞ്ചായത്ത്‌ മുസ്ലിം ലീഗ് പ്രസിഡണ്ട്‌ എൻ. എം. ഹുസൈൻ അധ്യക്ഷത വഹിച്ചു. ജില്ലാ മുസ്ലിം ലീഗ് വൈസ് പ്രസിഡണ്ട്‌ കെ. എ. ഖാദർ മാസ്റ്റർ മുഖ്യ പ്രഭാഷണം നടത്തി. ഡി. സി. സി. സെക്രട്ടറി എടക്കുനി അബ്ദുറഹിമാൻ, നിയോജക മണ്ഡലം യു. ഡി. എഫ്. ചെയർമാൻ ഖാലിദ് കിളിമുണ്ട, എൻ. പി. ഹംസ മാസ്റ്റർ, പി.സി. കരീം, അഹമ്മദ് കുട്ടി അരയൻകോട്, ഇ. സി. എം. ബഷീർ മാസ്റ്റർ, എൻ. പി. ഹമീദ് മാസ്റ്റർ, ശിവദാസ പണിക്കർ, ഷമീർ പാഴൂർ,പി. കെ. ഹഖീം മാസ്റ്റർ സംസാരിച്ചു. കൺവീനർ കെ. സി. ഇസ്‌മാലുട്ടി സ്വാഗതവുംകെ. വി. മുഹമ്മദ്‌ റാഫി നന്ദിയും പറഞ്ഞു. ചെയർമാനായി അഹമ്മദ് കുട്ടി അരയൻകോടിനെയും കൺവീനറായി കെ. സി. ഇസ്മാളലുട്ടിയേയും ട്രഷറർ ആയി കെ. വി. മുഹമ്മദ്‌ റാഫിയെയും തെരെഞ്ഞെടുത്തു.
എം.കെ രാഘവന്റെ തിരഞ്ഞെടുപ്പ് പ്രചാരണം: ചാത്തമംഗലത്ത് യു.ഡി.എഫ് കൺവെൻഷൻ നടത്തി
