കാരന്തൂർ :മർകസ് ഇംഗ്ലീഷ് മീഡിയം സ്കൂളിൽ സ്റ്റുഡൻസ് ഖതമുൽ ഖുർആൻ അസംബ്ലി നടത്തി
കഴിഞ്ഞ ജൂൺ മാസത്തിൽ ആരംഭിച്ച് 9 മാസം കൊണ്ട് സ്കൂളിൽ വച്ചുതന്നെ വിശുദ്ധ ഖുർആൻ മുഴുവനായി പാരായണം ചെയ്തു പൂർത്തീകരിക്കുന്ന ഒരു പദ്ധതിയുടെ സമാപനമാണ് സ്റ്റുഡൻസ് ഖുർആൻ ഗ്രാൻഡ് അസംബ്ലി. പരിപാടിയിൽ പരീക്ഷയെ അഭിമുഖീകരിക്കുന്ന മുഴുവൻ വിദ്യാർഥികൾക്ക് വേണ്ടിയും സ്കൂളുമായി ബന്ധപ്പെട്ട മുഴുവൻ കുടുംബാംഗങ്ങൾക്ക് വേണ്ടിയും ലോക സമാധാനത്തിനു വേണ്ടിയും പ്രത്യേക പ്രാർത്ഥന നടന്നു. പരിപാടി സ്കൂൾ പിടിഎ പ്രസിഡണ്ട് ജനാബ് ഷൗക്കത്തലി സാഹിബ് ഉദ്ഘാടനം ചെയ്തു സ്കൂൾ പ്രിൻസിപ്പൽ റംസി മുഹമ്മദ് അധ്യക്ഷതവഹിച്ചു സ്കൂൾ അഡ്മിനിസ്ട്രേറ്റീവ് ഓഫീസർ ശഫീഖ് സഖാഫി പ്രാർത്ഥനയ്ക്ക് നേതൃത്വം നൽകി. അസിസ്റ്റൻറ് പ്രിൻസിപ്പൽ കലാം സിദ്ദീഖി ആമുഖഭാഷണം നടത്തി. സദർ മുഅല്ലിം നന്ദി രേഖപ്പെടുത്തിയ പരിപാടിയിൽ അധ്യാപകരായ അബ്ദുൽ ഗഫൂർ സഖാഫി അബൂബക്കർ സഖാഫി എന്നിവരെ ആദരിക്കുകയും ചെയ്തു.