ചൂലാംവയൽ അക്കനാടംകുഴി റോഡ് ഉദ്ഘാടനം ചെയ്തു.

കുന്ദമംഗലം:പ്രവൃത്തി പൂർത്തീകരിച്ച ചൂലാംവയൽ അക്കനാടംകുഴി റോഡ് പി.ടി.എ റഹീം എം.എൽ.എ ഉദ്ഘാടനം ചെയ്തു.

എം.എൽ.എയുടെ പ്രാദേശിക വികസന ഫണ്ടിൽ ഉൾപ്പെടുത്തി അനുവദിച്ച 3 ലക്ഷം രൂപ ചെലവഴിച്ചാണ് റോഡിന്റെ പ്രവൃത്തി നടത്തിയത്.

കുന്ദമംഗലം ഗ്രാമ പഞ്ചായത്ത് പ്രസിഡന്റ് ഷൈജ വളപ്പിൽ അദ്ധ്യക്ഷത വഹിച്ചു. ഗ്രാമപഞ്ചായത്ത് അംഗങ്ങളായ ശ്രീജ പുൽകുന്നുമ്മൽ, എം.പി ശിവാനന്ദൻ, പി. മുഹമ്മദ് കോയ, വി.പി ആശിർ, എം.പി ഹരിദാസൻ, വി.പി സലീം, കെ. സുരേഷ് ബാബു സംസാരിച്ചു. എം. ജൗഹർ സ്വാഗതവും വി.പി വേലായുധൻ നന്ദിയും പറഞ്ഞു.