കുന്ദമംഗലം: കാരന്തൂർ മെഡിക്കൽ കോളേജ് റോഡിൽ കൊളായിത്താഴത്തുള്ള ഭാരത് പെട്രോളിയത്തിന്‍റെ ഔട്ട്‌ലെറ്റിൽ തോക്ക് ചൂണ്ടി ജീവനക്കാരന്‍റെ പണമടങ്ങിയ ബാഗ് തട്ടിയെടുത്ത മോഷ്ടാവിനെ സഹജീവനക്കാർ നേരിട്ടതിനെ തുടർന്ന് ഭാഗ്യമെന്ന പോലെ പണം തിരിച്ചുകിട്ടി. മോഷ്ടാവ് കടന്നു കളഞ്ഞു .ഇന്നലെ രാത്രി 11 മണിയോടെയാണ് സംഭവം പമ്പ് അടച്ച ശേഷം പണം ബാഗിൽ ആക്കി തൊട്ടടുത്ത ഉടമയുടെ വീട്ടിലേക്ക് പോകുന്നതിനിടെ മെലിഞ്ഞ ശരീരപ്രകൃതമുള്ള ഒരാൾ തോക്ക് ചൂണ്ടി പ്രത്യക്ഷപെടുകയും ബാഗ് ബലമായി പിടിച്ച് വാങ്ങുകയായിരുന്നത്രെ. ഇത് കണ്ട സഹജീവനക്കാരൻ ഓടിയെത്തിയതോടെ പിടിവലിയായി ഇതിനിടയിൽ ബാഗ് എടുത്ത് ഓടിയ മോഷ്ടാവിന്‍റെ പക്കൽ നിന്നും ബാഗിൽ സൂക്ഷിച്ച പണം നിലത്തേക്ക് വീണതിനാൽ പണം തിരിച്ചുകിട്ടി. പിന്നീട് പോലീസിൽ വിവരം അറിയിച്ച് എത്തിയ പോലീസും പരിസരവാസികളും തിരച്ചിൽ നടത്തിയെങ്കിലും ഇയാളെ പിടികൂടാനായില്ല. സമാന രീതിയിൽ കെട്ടാങ്ങൽ പെട്രൊൾ പമ്പിലും തോക്ക് ചൂണ്ടി മോഷണം നടത്തിയത് ഇത് വരെ പിടികൂടാനായിട്ടില്ല .പമ്പിലുള്ള സി.സി.ടി.വി പരിശോധിച്ചാൽ കൂടുതൽ വ്യക്തമാകുമെന്ന് അറിയുന്നു
കൊളായിത്താഴം ഭാരത് പെട്രൊളിയം ഔട്ട് ലെറ്റിൽ തോക്ക് ചൂണ്ടി പണമടങ്ങിയ ബാഗ് തട്ടിപറിച്ചു
