കുന്ദമംഗലം: വോളിബോള്‍ അസോസിയേഷന്‍റെ സഹകരണത്തോടെ കുന്ദമംഗലംസാന്റോസ് ആര്‍ട്സ് ആന്‍ഡ്‌ സ്പോര്‍ട്സ് ക്ലബ് ഡിസംബര്‍ 21 മുതല്‍ 29 വരെ കുന്ദമംഗലത്ത് സംഘടിപ്പിക്കുന്ന സംസ്ഥാന സീനിയര്‍ വോളിബോള്‍ ചാമ്പ്യന്‍ഷിപ്പിന്റെ ടിക്കറ്റ് വില്‍പ്പന തുടങ്ങി. ആദ്യ വില്‍പ്പന കോസ്മോസ് സ്പോര്‍ട്സ് മാനേജിംഗ് ഡയറക്ടര്‍ നിഷാദിന് നല്‍കി ട്രാൻസ്പോർട്ട് മന്ത്രി എ.കെ. ശശീന്ദ്രന്‍ ഉദ്‌ഘാടനം ചെയ്‌തു. കുരുവട്ടൂര്‍ പഞ്ചായത്ത് പ്രസിഡണ്ട് പി. അപ്പുക്കുട്ടന്‍ . ചാമ്പ്യന്‍ഷിപ്പ് കമ്മറ്റി ചെയര്‍മാന്‍ കെ.പി. വസന്തരാജ്‌ . ട്രഷറര്‍ പി.കെ. ബാപ്പുഹാജി, പബ്ലിസിറ്റി കമ്മറ്റി ചെയര്‍മാന്‍ ടി.കെ ഹിതേഷ് കുമാര്‍, പഞ്ചായത്തംഗങ്ങളായ വിനോദ് പടനിലം, എംഎം സുധീഷ്‌ കുമാര്‍, ഷമീന വെള്ളക്കാട്ട്, തെഞ്ചേരി വേലായുധന്‍, എം.കെ മോഹന്‍ദാസ്‌, ടി.വി വിനീത് കുമാര്‍, ജിതേഷ്, അസ്‌ലം എന്നിവര്‍ സംബന്ധിച്ചു. കണ്‍വീനര്‍ സി. യൂസഫ്‌ സ്വാഗതവും പബ്ലിസിറ്റി റിഷാദ് കുന്ദമംഗലം നന്ദിയും പറഞ്ഞു. ഗാലറി ടിക്കറ്റ് 70, സീസണ്‍ടിക്കറ്റ്‌ 600, ചെയര്‍ 1200, ഡോണര്‍ 5000, പ്രൊമോട്ടര്‍ 10000 എന്നിങ്ങനെയാണ്‌ ടിക്കറ്റ് നിരക്ക്. ഹബീബ് തമ്പി, സ്പൂണ്‍ മി കാറ്ററിംഗ് മാനേജിംഗ് ഡയറക്ടര്‍ റജിമോള്‍, പി. അഷ്‌റഫ്‌ഹാജി കാരന്തൂർസൂര്യ ഗഫൂര്‍, വിശ്വനാഥ കുറുപ്പ് എന്നിവര്‍ ചടങ്ങില്‍ വെച്ച് ടിക്കറ്റ് ഏറ്റുവാങ്ങി.
21 ന് തുടങ്ങുന്നസംസ്ഥാന സീനിയര്‍ വോളിബോള്‍ ചാമ്പ്യന്‍ഷിപ്പിന്റെ ടിക്കറ്റ് വില്‍പ്പന തുടങ്ങി
