ഹബീബ് കാരന്തൂർ
കോഴിക്കോട്: മായനാട് ശിഹാബ് തങ്ങൾ റിലീഫ് സെന്ററിന്റെ പുതിയ ആസ്ഥാനമായ സി. അബ്ദുൾ അസീസ് മെമ്മോറിയൽ ബിൽഡിംഗിന്റെ ഉദ്ഘാടനം ജൂലൈ 22-രാത്രി നാളെ 7 മണിക്ക് നടക്കും. മായനാട് എ.യു.പി. സ്കൂൾ ഓഡിറ്റോറിയത്തിൽ നടക്കുന്ന പൊതുസമ്മേളനത്തിൽ സയ്യിദ് സാദിഖ് അലി ശിഹാബ് തങ്ങൾ ഉദ്ഘാടനം നിർവഹിക്കും.
പൊതുജനങ്ങൾക്ക് വിവിധ ക്ഷേമ-സേവന പ്രവർത്തനങ്ങൾ കൂടുതൽ കാര്യക്ഷമമായി ലഭ്യമാക്കുക എന്ന ലക്ഷ്യത്തോടെയാണ് പുതിയ കെട്ടിടം സജ്ജമാക്കിയിരിക്കുന്നത്. SRC ജനസേവന കേന്ദ്രം, SRC ക്ലിനിക്, SRC ഫാർമസി തുടങ്ങിയ സേവനങ്ങൾ പുതിയ കെട്ടിടത്തിൽ പ്രവർത്തനം ആരംഭിക്കും.
പരിപാടിയിൽ കൃഷി മന്ത്രി ടി. സിദ്ദിഖ്, എം.കെ.രാഘവൻ എം.പി ; മേയർ ഒ.സദാശിവൻ, ഡോ: എം.കെ. മുനീർ , എം.എൽ.എ.മാരായ എം.എ. റസാഖ് മാസ്റ്റർ, പി.കെ. ഫിറോസ്, ഫൈസൽ ബാബു, അഡ്വ. കെ. ജയന്ത് ഉൾപ്പെടെ സാമൂഹിക, രാഷ്ട്രീയ, സാംസ്കാരിക രംഗങ്ങളിലെ പ്രമുഖർ പങ്കെടുക്കും. പരിപാടിക്ക് വേണ്ട എല്ലാ ഒരുക്കങ്ങളും പൂർത്തിയായതായി ഭാരവാഹികളായ സഫ അലവി ഹാജി, കൗൺസിലർ സിദ്ധീക്ക് മായനാട്, പി.എം. മൊയ്തീൻ കോയ എന്നിവർ അറിയിച്ചു.
About the Author
