കുന്ദമംഗലം : കോൺഗ്രസ് പ്രസ്ഥാനത്തിന് ചലനാത്മകമായ നേതൃത്വം നൽകിയ വ്യക്തിത്വ മായിരുന്നു മുൻ ഡിസിസി വൈസ് പ്രസിഡണ്ടും മികച്ച സഹകാരിയുമായിരുന്ന എൻ പത്മനാഭൻ മാസ്റ്റർ എന്ന് ജില്ലാ കോൺഗ്രസ് കമ്മിറ്റി അധ്യക്ഷൻ അഡ്വക്കേറ്റ് കെ പ്രവീൺകുമാർ എംഎൽഎ. പറഞ്ഞു നെഹ്റുവിൻ സിദ്ധാന്തം പുതുതലമുറയിലേക്ക് പകർന്നു നൽകുന്നതിന് പത്മനാഭൻ മാസ്റ്റർ വഹിച്ച പങ്ക് നിസ്തുലമാണ്. കുന്ദമംഗലം ഹൈസ്കൂൾ പ്രധാന അധ്യാപകനും സംസ്ഥാന ഹൗസിങ് ഫെഡറേഷൻ ഡയറക്ടറും ആയിരുന്നു പത്മനാഭൻ മാസ്റ്ററുടെ നാലാം ചരമവാർഷികം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം അഡ്വക്കേറ്റ് പ്രവീൺകുമാർ എംഎൽഎ. പത്മനാഭൻ മാസ്റ്ററുടെ സ്മരണയ്ക്കായി ഏർപ്പെടുത്തിയ വിദ്യാഭ്യാസ എൻഡോവ്മെന്റ് അവാർഡ് ചടങ്ങിൽ വിതരണം ചെയ്തു
അനുസ്മരണ സമിതി ചെയർമാൻ കെ.സി. അബൂ അധ്യക്ഷത വഹിച്ചു. ജില്ലാ കോൺഗ്രസ് കമ്മറ്റി ജന.സെക്രടറിമാരായ എം ധനീഷ് ലാൽ, കുന്ദമംഗലം ബ്ലോക്ക് പഞ്ചായത്ത് വൈസ് പ്രസിഡണ്ട് വിനോദ് പടനിലം, എ.ഷിയാലി , എം.പി. കേളുക്കുട്ടി, പി.സി അബ്ദുൾ കരീം കുന്ദമംഗലം ഗ്രാമപഞ്ചായത്ത് പ്രസിഡണ്ട് സി.വി. സംജിത്ത്, ജില്ലാ പഞ്ചായത്ത് മെമ്പർ സീന അശോകൻ, കുന്ദമംഗലം ബ്ലോക്ക് കോൺഗ്രസ് പ്രസിഡണ്ട് വളപ്പിൽ റസാഖ് . പെരുവയൽ ബ്ലോക്ക് കോൺഗ്രസ് പ്രസിഡണ്ട് രവികുമാർ പനോളി , പത്മനാഭൻ മാസ്റ്ററുടെ സഹധർമ്മിണി വത്സല, സഹോദരൻ ബാലകൃഷ്ണൻ മാസ്റ്റർ എന്നിവർ പ്രസംഗിച്ചു.
രാവിലെ പത്മനാഭൻ മാസ്റ്ററുടെ വസതിയിൽ ചേർന്ന അനുസ്മരണ യോഗത്തിലും പുഷ്പാർച്ചനയിലും വിദ്യാബാലകൃഷ്ണൻ എംഎൽഎ, കെ സി അബു എടക്കുനി അബ്ദുറഹിമാൻ, ചേളന്നൂർ ബ്ലോക്ക് കോൺഗ്രസ് കമ്മിറ്റി പ്രസിഡന്റ് കെ ശ്രീജിത്ത്, കുരുവട്ടൂർ മണ്ഡലം കോൺഗ്രസ് കമ്മിറ്റി പ്രസിഡന്റ് ടി. കെ റിയാസ്, ബ്ലോക്ക് പഞ്ചായത്ത് മെമ്പർ ടി സി മുഹമ്മദ് മാസ്റ്റർ മഹിളാ കോൺഗ്രസ് നേതാക്കളായ ശശികല പുനപ്പൊത്തിൽ ആയിഷ മുഹമ്മദ് എന്നിവർ സംബന്ധിച്ചു
About the Author
