കുന്ദമംഗലം : ഗ്രാമപഞ്ചായത്ത് 2025- 26 വർഷത്തെ ബജറ്റ് വൈ: പ്രസിഡണ്ട് വി. അനിൽ കുമാർ അവതരിപ്പിച്ചു. ഭവന നിർമ്മാണ പദ്ധതികൾക്കും മാലിന്യ പരിപാലന പദ്ധതികൾക്കും കാർഷിക മേഖലക്കും ക്ഷീര വികസനത്തിനും മൃഗ സംരക്ഷണത്തിനും പ്രഥമ പരിഗണന നൽകിയതായി അദ്ദേഹം പറഞ്ഞു. ലിജി പുൽകുന്നുമ്മൽ അധ്യക്ഷത വഹിച്ചു. . 459262366 രൂപ വരവും 433658073 രൂപ ചെലവും 25604293 രൂപ നീക്കിയിരിപ്പും കാണിക്കുന്ന ബജറ്റാണ് അവതരിപ്പിച്ചത്. ഗ്രാമീണ റോഡുകളുടെ നവീകരണത്തിന് 11 കോടിയും ലൈഫ് ഉൾപ്പെടയുള്ള ഭവന പദ്ധതികൾക്ക് അഞ്ചര കോടിയും ആരോഗ്യ മേഖലക്ക് 62 ലക്ഷം രൂപയും അങ്കണവാടികൾക്ക് 87 ലക്ഷം രൂപയും മാലിന്യ പരിപാലനത്തിന് ഒന്നേ മുക്കാൽ കോടിയും ബജറ്റിൽ ഉൾപ്പെടുത്തിയിട്ടുണ്ട്.
ബജറ്റ് നിരാശാജനകം യു.ഡി.എഫ്
ലൈഫ് ഭവന പദ്ധതി പ്രകാരം അപക്ഷിച്ചവർക്ക് ഇതുവരെ പകുതി പോലും പൂർത്തികരിച്ചിട്ടില്ല . ഇപ്പോൾ ബജറ്റിൽ ഉൾപെടുത്തിയ ഫണ്ട് അപര്യാപ്ത മാണന്നും കുന്ദമംഗലത്തെ ഗതാഗത കുരുക്കുമായി ബന്ധപെട്ട് മേൽപ്പാലം വേണമെന്ന പൊതു വികാരം മാനിച്ചില്ലെന്നും കത്താത്ത സ്ട്രീറ്റ് ലൈറ്റ് കത്തിക്കാ നാവശ്യമായ ഫണ്ട് നീക്കി വെച്ചില്ലെന്നും യു.ഡി.എഫ് നേതാവും മുസ്ലീം ലീഗ് പാർലമെൻ്ററി പാർട്ടി ലീഡ റുമായ പി.കൗലത്ത് പ്രതികരിച്ചു