കുന്ദമംഗലം : രണ്ടു ദിവസങ്ങളിലായി കുന്നമംഗലത്ത് നടന്ന ശാസ്ത്രോൽസവം വിജയികളെ പ്രഖ്യാപിക്കുന്നതിന് മുമ്പ് സമാപന സമ്മേളനം നടത്തി സംഘാടകർ മടങ്ങി. വിവിധ മൽസരങ്ങളുടെ ഫലം വരാനിരിക്കുമ്പോഴാണ് പ്രവർത്തി പരിചയ മേളയുടെ ഫലം പ്രഖ്യാപിച്ച് സമ്മാന വിതരണം നടത്തിയത്. പ്രവർത്തി പരിചയ മേളയിൽ ഓവറോൽ കിരീടം നേടിയ കോഴിക്കോട് സിറ്റി ഉപജില്ലയെ സമ്മാനം ഏറ്റുവാങ്ങാൻ വേദിയിലേക്ക് ക്ഷണിച്ചെങ്കിലും ആരും വേദിയിലേക്ക് എത്തിയില്ല . തുടർന്ന് ഹൈസ്കൂൾ വിഭാഗം പ്രവർത്തി പരിചയ മേളയുടെ ഒന്നാം സ്ഥാനം നേടിയ മെഡിക്കൽ കോളേജ് കാമ്പസ് ഹയർ സെക്കണ്ടറി സ്കൂളിനെ വേദിയിലേക്ക് ക്ഷണിച്ച് സമ്മാന വിതരണം നടത്തി സംഘാടകർ പരിപാടി അവസാനിപ്പിക്കുകയായിരുന്നു. ഇതിനിടെ സ്ഥലത്തെത്തിയ സിറ്റി ഉപജില്ലയിലെ അധ്യാപകൻ ട്രോഫി കൈപറ്റി സ്കൂട്ടറിൽ മടങ്ങുന്ന കാഴചയും കാണാമായി രുന്നു
