മാവൂർ: മാധ്യമ പ്രവർത്തകരുടെ മക്കളിൽ എസ്.എസ്.എൽ.സി പരീക്ഷയിൽ മികച്ച വിജയം നേടിയവർക്ക് മാവൂർ പ്രസ് ഫോറത്തിന്റെ അനുമോദനം. മാവൂർ പ്രസ്സ് ഫോറം ഓഫിസിൽ നടന്ന അനുമോദനം ഗ്രാമപഞ്ചായത്ത് പ്രസിഡന്റ് കെ.സി. വാസന്തി വിജയൻ ഉദ്ഘാടനം ചെയ്യുകയും വിജയികൾക്ക് മെമെന്റോ നൽകുകയും ചെയ്തു. ടി. അനൂഫ, വി.എൻ. അമൽ മുഹ്സിൻ, എൻ. കെ. നിവേദ്യ എന്നിവർ അനുമോദനം ഏറ്റുവാങ്ങി. മാവൂർ പ്രസ്സ് ഫോറം പ്രസിഡന്റ് അബ്ദുള്ള മാനൊടുകയിൽ അധ്യക്ഷത വഹിച്ചു. ഇ.കെ. നിധീഷ്, പി.ടി. മുഹമ്മദ്, വി.എൻ. അബ്ദുൽ ജബ്ബാർ, ടി.എം. അബൂബക്കർ, സത്യദാസ് മേച്ചേരിക്കുന്ന് എന്നിവർ സംസാരിച്ചു. അവാർഡ് ഏറ്റുവാങ്ങിയവർ മറുപടി പ്രസംഗം നടത്തി. മാവൂർ പ്രസ് ഫോറം സെക്രട്ടറി കെ.എം.എ. റഹ്മാൻ സ്വാഗതവും ട്രഷറർ സി. സുരേഷ് ബാബു നന്ദിയും പറഞ്ഞു.
