മാവൂർ : ജീവകാരുണ്യ പ്രവർത്തനത്തിൻ്റെ ഭാഗമായി KMG മാവൂർ സംഘടിപ്പിക്കുന്ന ” ഹർഷം’ 24 അഖിലേന്ത്യാ സെവൻസ് ഫുട്ബോൾ ടൂർണ്ണമെൻ്റിൻ്റെ ഒരുക്കങ്ങൾ പൂർത്തിയായി .
ഏപ്രിൽ 15ന് ആരംഭിക്കുന്ന ഫുട്ബോൾ ടൂർണ്ണമെൻറിൽ ലിൻഷ മെഡിക്കൽസ് മണ്ണാർക്കാട് ,സൂപ്പർ സ്റ്റുഡിയോ മലപ്പുറം ,KFC കാളിക്കാവ് ,ഫിഫ മഞ്ചേരി ,ഇസ്സാ ഗ്രൂപ്പ് ബേസ് പെരുമ്പാവൂർ,KMG മാവൂർ, അൽ മദീന ചെർപ്പുളശ്ശേരി ,ഉഷ fc തൃശൂർ ,ജവഹർ മാവൂർ തുടങ്ങി അഖിലേന്ത്യാ സെവൻസിലെ 32 ടീമുകൾ പങ്കെടുക്കും .
7000 പേർക്ക് ഇരിക്കാവുന്ന ഗാലറിയും ,അതിനൂതനമായ രീതിയിൽ തയ്യാറാക്കിയ ഗ്രൗണ്ടും ഈ ടൂർണ്ണമെൻ്റിൻ്റെ പ്രത്യേകതയാണ് .
കളി കാണാൻ വരുന്നവർക്ക് വാഹനങ്ങൾ പാർക്ക് ചെയ്യാൻ വിശാലമായ സൗകര്യം ഒരുക്കിയിട്ടുണ്ട് .
ഉദ്ഘാടന മത്സരത്തിൽ ലിൻഷാ മെഡിക്കൽസ് മണ്ണാർക്കാട് KFC കാളിക്കാവിനെ നേരിടും
ബോബി ചെമ്മണ്ണൂർ(ബോച്ചെ ) പരിപാടി ഉദ്ഘാടനം ചെയ്യും .
ഉദ്ഘാടന മത്സരം ഒഴികെ ബാക്കി എല്ലാ മത്സരങളും 8:30 ന് ആരംഭിക്കും .
വാർത്താ സമ്മേളനത്തിൽ ടൂർണ്ണമെൻ്റ് കമ്മിറ്റി ചെയർമാൻ TM ഷമീർ ബാബു ,കൺവീനർ ജിനു T ,ഫിനാൻസ് കൺവീനർ ഷാഫി Ap ,ക്ലബ്ബ് പ്രസിഡൻറ് നൗഷാദ് PM ,മീഡിയ കൺവീനർ ലത്തീഫ് Ap എന്നിവർ സംബന്ധിച്ചു.