ഫെഡറല്‍ ബാങ്ക് കുന്ദമംഗലം ശാഖ ഉദ്ഘാടനം
കുന്ദമംഗലം: കെട്ടിടം മാറിയ ഫെഡറല്‍ ബാങ്കിന്റെ കുന്ദമംഗലം ശാഖ പി.ടി.എ. റഹിം എം.എല്‍.എ.യും എ.ടി.എം. കൗണ്ടര്‍ ഗ്രാമപ്പഞ്ചായത്ത് പ്രസിഡന്റ് ലിജി പുല്‍ക്കുന്നുമ്മലും ഉദ്ഘാടനം ചെയ്തു. കോര്‍പറേറ്റ് പ്ലാനിങ് ഡിപാര്‍ട്ട്‌മെന്റ് സീനിയര്‍ വൈസ് പ്രസിഡന്റ് രവി രഞ്ജിത് അധ്യക്ഷനായി. നടനും ഡയറക്ടറുമായ ജോയ്മാത്യു മുഖ്യാതിഥിയായി. ജോസ്‌മോന്‍ പി. ഡേവിഡ് , സി.വി. രജി, പി. കൗലത്ത്, ടി. മഞ്ജു എന്നിവര്‍ സംസാരിച്ചു. മുക്കം റോഡില്‍ ആനപ്പാറ ആശുപത്രിക്കു സമീപം ഖസര്‍ ഓഡിറ്റോറിയത്തിന്റെ കെട്ടിടത്തിലേക്കാണ് ബാങ്ക് മാറ്റിയത്.