കുന്ദമംഗലം : ‘രാജ്യത്തിന്റെ വീണ്ടെടുപ്പിന്’ എസ് . ഡി. പി. ഐ. സംസ്ഥാന പ്രസിഡന്റ് മൂവാറ്റുപുഴ അഷ്റഫ് മൗലവി നയിക്കുന്ന ജനമുന്നേറ്റ യാത്ര 2024 ഫെബ്രുവരി 14 കാസർകോട് നിന്ന് ആരംഭിച്ച് മാർച്ച് 1 ന് തിരുവനന്തപുരത്ത് സമാപിക്കും.
യാത്രയുടെ പ്രചരണാർത്ഥം ഫെബ്രുവരി 15ന് കുന്ദമംഗലം മണ്ഡലത്തിൽ വാഹന പ്രചാരണ ജാഥ നടത്തുമെന്നു SDPI മണ്ഡലം നേതാക്കൾ വാർത്താ സമ്മേളനത്തിൽ അറിയിച്ചു.
ഫെബ്രുവരി 19ന് കോഴിക്കോട് മുതലക്കുളം മൈതാനിയിൽ എത്തിച്ചേരുന്ന ജനമുന്നേറ്റ യാത്രയിൽ എസ് ഡി പി ഐ തമിഴ് നാട് സംസ്ഥാന പ്രസിഡന്റ് നെല്ലൈ മുബാറക് മുഖ്യ അതിഥി യായിരിക്കും. സംസ്ഥാന വൈസ് പ്രസിഡൻറ് തുളസീധരൻ പള്ളിക്കൽ, ജനറൽ സെക്രട്ടറി റോയ് അറയ്ക്കൽ എന്നിവർ ജനമുന്നേറ്റ യാത്രയുടെ വൈസ് ക്യാപ്റ്റന്മാരാണ്.
ജില്ലാ സെക്രട്ടറി റഹ്മത്ത് നെല്ലൂളി നയിക്കുന്ന പ്രചാരണ ജാഥ ഫെബ്രുവരി 15 ന് രാവിലെ 8മണിക്ക് കാരന്തൂരിൽ നിന്ന് ആരംഭിച്ച് മണ്ഡലത്തിലെ വിവിധ ഭാഗങ്ങളിൽ പര്യടനം പൂർത്തിയാക്കിയ ശേഷം വൈകിട്ട് 8 മണിക്ക് ഒളവണ്ണ പഞ്ചായത്തിലെ കമ്പിളിപ്പറമ്പിൽ സമാപിക്കും.
ഭരണഘടന സംരക്ഷിക്കുക, ജാതി സെന്സസ് നടപ്പിലാക്കുക, പൗരാവകാശ വിരുദ്ധ നിയമങ്ങള് പിന്വലിക്കുക, രാഷ്ട്രീയ തടവുകാരെ വിട്ടയക്കുക, ഫെഡറലിസം കാത്ത് സൂക്ഷിക്കുക, തൊഴിലില്ലായ്മ പരിഹരിക്കുക, കര്ഷക ദ്രോഹ നയങ്ങള് തിരുത്തുക തുടങ്ങിയ ആവശ്യങ്ങളുന്നയിച്ചാണ് യാത്ര സംഘടിപ്പിച്ചിരിക്കുന്നത്.
തുടർച്ചയായ ബിജെപി ഭരണത്തിൽ രാജ്യത്തിന്റെ ഭരണഘടനയും ജനാധിപത്യവും മതേതരത്വവും ബഹുസ്വരതയും തകര്ക്കപ്പെട്ടു കൊണ്ടിരിക്കുന്നു. രാജ്യത്തിന്റെ സമ്പദ് വ്യവസ്ഥ പൂര്ണമായും താറുമാറായിരിക്കുന്നു. ഒരു വശത്ത് ശതകോടീശ്വരന്മാരായ ചങ്ങാത്ത മുതലാളിമാരുടെ ആസ്തി വര്ധിക്കുമ്പോള് മറുവശത്ത് രാജ്യത്തെ നാലിലൊന്നിലധികം ജനങ്ങള് പട്ടിണിയിലും ദാരിദ്ര്യത്തിലും ആണ്ടു പോയിരിക്കുന്നു. തൊഴിലില്ലായ്മ, രൂക്ഷമായ വിലക്കയറ്റം, പാചക വാതകമുള്പ്പെടെയുള്ള ഇന്ധന വിലവര്ധന തുടങ്ങിയവ ജനജീവിതം ദുസ്സഹമാക്കിയിരിക്കുന്നു. ജനക്ഷേമകരമായ വാഗ്ദാനങ്ങളെല്ലാം ഫയലിൽ ഉറങ്ങുമ്പോള് വംശീയവും വര്ഗീയ ധ്രുവീകരണത്തിന് വഴിയൊരുക്കുന്നതു മായ വാഗ്ദാനങ്ങളിൽ മാത്രം കേന്ദ്രസര്ക്കാര് ശ്രദ്ധ കേന്ദ്രീകരിച്ചിരിക്കുന്നു.
രാജ്യത്തിന്റെ നട്ടെല്ലായ കാര്ഷിക മേഖലയെ കോര്പറേറ്റുകള്ക്ക് തീറെഴുതുന്നതിന് മൂന്നു നിയമങ്ങള് ചുട്ടെടുക്കുകയും അതിനെതിരായ പ്രതിഷേധത്തിൽ 710 ലധികം കര്ഷകർ രക്തസാക്ഷികളാവുകയും ചെയ്തു. കര്ഷക പ്രക്ഷോഭത്തിൽ മുട്ടുകുത്തിയ ബിജെപി സര്ക്കാർ അവരുമായുണ്ടാക്കിയ ഒത്തുതീര്പ്പു വ്യവസ്ഥകള് പാലിക്കാന് തയ്യാറാവാത്തതിനാൽ വീണ്ടും പ്രക്ഷോഭത്തിന് കളമൊരുങ്ങുകയാണ്. സ്ത്രീകള്ക്കും കുട്ടികള്ക്കുമെതിരായ അതിക്രമങ്ങള് രാജ്യത്ത് വര്ധിക്കുകയാണ്. സ്ത്രീകള്ക്ക് സുരക്ഷയില്ലാത്ത രാജ്യമായി ഇന്ത്യ മാറിയിരിക്കുന്നു. ഹാഥ്റാസ്, ഉന്നാവ, കത്വ, മണിപ്പൂർ, ഗുജറാത്ത് ഉള്പ്പെടെ നടന്ന അതിഭീകര സംഭവങ്ങള് നാം ഞെട്ടലോടെയാണ് ഓര്ക്കുന്നത്.
മതേതരത്വം എന്ന ഭരണഘടനാ തത്വം ലംഘിച്ച് രാഷ്ട്ര സംവിധാനങ്ങള് മതവല്ക്കരിക്കപ്പെട്ടുകൊണ്ടിരിക്കുന്നു. പൗരത്വത്തിന് മതം മാനദണ്ഡമാക്കുന്ന പൗരത്വ നിയമം, ബഹുസ്വരതയും നാനാത്വത്തിൽ ഏകത്വവും ഇല്ലാതാക്കുന്ന ഏകീകൃത സിവിൽ നിയമം ഉള്പ്പെടെയുള്ളവ നടപ്പിലാക്കാനാണ് കേന്ദ്രം ശ്രമിക്കുന്നത്.
സ്വാതന്ത്ര്യം നേടി ഏഴര പതിറ്റാണ്ട് പിന്നിട്ടിട്ടും പൗര ഭൂരിപക്ഷത്തിനും അധികാരത്തിലോ വിഭവങ്ങളുടെ വിതരണത്തിലോ ഉദ്യോഗ-വിദ്യാഭ്യാസ രംഗങ്ങളിലോ അർഹമായ പ്രാതിനിധ്യം ലഭ്യമായിട്ടില്ല. ഇതു സംബന്ധിച്ച് കൃത്യമായ വിവരശേഖരണത്തിന് ഉതകുന്ന ജാതി സെന്സസ് നടത്താന് കേന്ദ്ര-സംസ്ഥാന സര്ക്കാരുകള് തയ്യാറാവുന്നില്ല.
തിരഞ്ഞെടുപ്പ് കമ്മീഷന്, നീതിന്യായ സംവിധാനം എന്നിവയെ പോലും വരുതിയിലാക്കാനാണ് ഫാഷിസം ശ്രമിക്കുന്നത്. രാഷ്ട്രത്തിനു മേൽ മതം സ്ഥാപിക്കാനുള്ള ശ്രമം അതിന്റെ ഉച്ഛസ്ഥായിയിലെത്തിയിരിക്കുന്നു.
ബിജെപി ഭരണത്തിൽ ഫെഡറലിസം വലിയ വെല്ലുവിളി നേരിടുകയാണ്. ബിജെപി നോമിനികളെ ഗവര്ണര്മാരായി നിയോഗിച്ച് ബിജെപിയിതര സര്ക്കാരുകളെ നിയന്ത്രിക്കാനും വരുതിയിലാക്കാനും ശ്രമിക്കുകയാണ്.
രാഷ്ട്ര ഗാത്രത്തെ ഭീതിപ്പെടുത്തുന്ന സാമൂഹിക-രാഷ്ട്രീയ സാഹചര്യത്തിൽ ആസന്നമായ തിരഞ്ഞെടുപ്പിൽ ഫാഷിസത്തെ പരാജയപ്പെടുത്തുന്നതിന് രാജ്യ ഭൂരിപക്ഷം ആഗ്രഹിക്കുമ്പോള് അതിന് രാഷ്ട്രീയ നേതൃത്വം കൊടുക്കാന് കെല്പ്പുള്ള ഐക്യപ്പെടലുകള് ഉണ്ടാവുന്നില്ല. ഏറെ പ്രതീക്ഷ നല്കി കടന്നുവന്ന കൂട്ടായ്മകളെല്ലാം സ്വാര്ഥമോഹങ്ങള്ക്കു മുമ്പിൽ ശിഥിലമാവുകയാണ്. ഞങ്ങള് ഫാഷിസത്തെ പ്രതിരോധിക്കുകയാണ് എന്നു പറയുന്നവരുടെ ആത്മാര്ഥത പരിശോധിക്കപ്പെടേണ്ടതുണ്ടെന്നും റഷീദ് പി കൂട്ടിച്ചേര്ത്തു.
മണ്ഡലം സെക്രട്ടറി ഹനീഫ പാലാഴി, മണ്ഡലം ട്രഷറർ Dr. മുഹമ്മദ് നദ്വി, മണ്ഡലം മീഡിയ കോർഡിനേറ്റോർ റഷീദ് കെ പി എന്നിവർ വാർത്താ സമ്മേളനത്തിൽ സംബന്ധിച്ചു.
