കുന്ദമംഗലം: കുന്ദമംഗലം ഹൈസ്കൂളിലെ 1981 എസ്എസ്എൽസി ബാച്ച് പൂർവ്വ വിദ്യാർത്ഥികളുടെ കൂട്ടായ്മ “ഒപ്പം 81″ഒന്നാം വാർഷികം വിപുലമായി ആഘോഷിച്ചു. കുന്ദമംഗലം ഹൈസ്കൂൾ ഓഡിറ്റോറിയത്തിൽ നടന്ന ആഘോഷ പരിപാടികൾ കുന്ദമംഗലം ഗ്രാമപഞ്ചായത്ത് പ്രസിഡണ്ട് ലിജി പുൽകുന്നുമ്മൽ ഉദ്ഘാടനം ചെയ്തു. കുന്ദമംഗലത്തെ വിവിധ മേഖലകളിൽ വ്യക്തിമുദ്ര പതിപ്പിച്ച പ്രമുഖർ അടങ്ങുന്ന ഒപ്പത്തിന്റെ ഒരുമയും പ്രവർത്തനങ്ങളും ശ്ലാഘനീയമാണെന്ന് പ്രസിഡണ്ട് പറഞ്ഞു.ഒപ്പം 81 പ്രസിഡണ്ട് എൻ.സതീശൻ അധ്യക്ഷത വഹിച്ചു. രാജശ്രീ എൻ.കെ, സത്യഭാമ എന്നിവർ പ്രാർത്ഥന ചൊല്ലി. മൺമറഞ്ഞ സഹപാഠികൾക്കും, അധ്യാപകർക്കും ചടങ്ങിൽ സ്മരണാഞ്ജലി അർപ്പിച്ചു. സുരേഷ് ബാബു.കെ, കോയ മാസ്റ്റർ, പവിത്രൻ.പി,ശൈലജ ദേവി ടി.എം,സുനിൽ കാരന്തൂർ, വേണു കാരന്തൂർ , സജി.വി,ഹുസൈൻ കുട്ടി, ശ്യാമപ്രഭ എന്നിവർ സംസാരിച്ചു. സുനിൽകുമാർ കെ.വി സ്വാഗതവും ഐ.മുഹമ്മദ് കോയ നന്ദിയും പറഞ്ഞു. സജിത.വി, ശിവദാസൻ. സി, ലാലി കെ.ടി, സുരേഷ് സി.കെ തുടങ്ങിയവരുടെ നേതൃത്വത്തിൽ നടന്ന അംഗങ്ങളുടെ വിവിധ കലാപരിപാടികൾ ആഘോഷ പരിപാടിയെ അവിസ്മരണീയമാക്കി.
ഒപ്പം 81 ഒന്നാംവാർഷികംആഘോഷിച്ചു.
