കുന്ദമംഗലം: യുവതികളുടെ ഫോട്ടോ പരസ്യം നൽകി യുവാക്കളിൽ നിന്നും മധ്യവയസ്ക്കരിൽ നിന്നും പണം തട്ടുന്ന വിരുതനെ കുന്ദമംഗലം പോലീസ് സർക്കിൾ ഇൻസ്പെക്ടർ ഒ. ശ്രീകുമാർ അറസ്റ്റ് ചെയ്തു. കുന്ദമംഗലം മെജസ്റ്റിക് ബിൽഡിം ഗിൽ സ്ഥാപനം തുടങ്ങി വിവിധ മാട്രിമോണിയൽ സ്ഥാപനങ്ങളിൽ നിന്നും പത്ര പരസ്യങ്ങളിൽ നിന്നും ഫോൺ നമ്പർ ശേഖരിച്ചാണ് തട്ടിപ്പ് നടത്തിയത്. മുവാറ്റ് പുഴ സ്വദേശി ഉമേഷ് മോഹൻ ആണ് അറസ്റ്റിലായത്. മുവാറ്റ്പുഴ സ്റ്റേഷൻ പരിധിയിലും സമാന രീതിയിൽ ഇയാൾ തട്ടിപ്പ് നടത്തിയിട്ടുണ്ട്. ഇയാളുടെ സ്ഥാപനത്തിൽ രജിസ്ട്രേഷൻ നടത്തുന്നതിനും പിന്നീട് പെൺകുട്ടികളെ നേരിൽ കാണിച്ചു തരാമെന്നും പറഞ്ഞാണ് പലരിൽ നിന്നുമായി ഇയാൾ പണം കൈക്കലാക്കിയത്. ഇയാളുടെ തട്ടിപ്പിനിരയായവരുടെ പരാതിയിലാണ് അറസ്റ്റ് ചെയ്തത്.
