കുന്ദമംഗലം : കുന്ദമംഗലം ഉപജില്ലാ സ്കൂൾ കലോത്സവം രജിസ്ട്രേഷൻ ഉദ്ഘാടനം ഗ്രാമ പഞ്ചായത്ത് മെമ്പർ പി. കൗലത്ത് നിർവ്വഹിച്ചു.നവംബർ ആറ് മുതൽ പത്ത് വരെ കുന്ദമംഗലം ഹയർ സെക്കന്ററി സ്കൂൾ , എ.യു.പി സ്കൂൾ, എ.എം.എൽ പി .സ്കൂൾ എന്നിവിടങ്ങളിലെ എട്ട് വേദികളിലായാണ് മത്സരം നടക്കുന്നത്. എ.ഇ.ഒ കോൺഫറൻസ് ഹാളിൽ നടന്ന പരിപാടിയിൽ രജിസ്ട്രേഷൻ കമ്മിറ്റി ചെയർമാൻ മുഹമ്മദ് യാസീൻ നിസാമി അധ്യക്ഷനായി. ഉപ ജില്ലാ വിദ്യാഭ്യാസ ഓഫീസർ കെ.ജെ പോൾ മുഖ്യാതിഥി ആയിരുന്നു.എച്ച്.എം ഫോറം കൺവീനർ വിനോദ് കുമാർ. സി കെ , യൂസുഫ് സിദ്ദീഖ്, ടി.മുഹമ്മദലി, കെ.ടി. മുജീബുദ്ദീൻ, എം.കെ.അബ്ദുറസാഖ്, ഇ.പ്രമോദ്, ടി.എസ്.സുദേവൻ, ഷാജി.എം പി, സംസാരിച്ചു. കൺവീനർ എ.സി.അഷ്റഫ് സ്വാഗതവും എൻ. ജാഫർ നന്ദിയും പറഞ്ഞു.
