കുന്ദമംഗലം : ഉപജില്ലാ ശാസ്‌ത്രോത്സവത്തിൽ ചൂലാംവയൽ മാക്കൂട്ടം എ എം യു പി സ്കൂളിന് മികച്ച നേട്ടം. മുഴുവൻ ഇനങ്ങളിലും പങ്കെടുത്ത് എൽ പി, യു.പി വിഭാഗങ്ങളിൽ ഓവറോൾ ചാമ്പ്യൻഷിപ്പ് വിദ്യാലയം കരസ്ഥമാക്കി. ഗണിത ശാസ്ത്ര മേളയിൽ എൽ.പി, യു.പി വിഭാഗങ്ങളിൽ ഓവറോൾ ചാമ്പ്യൻഷിപ്പ്, ശാസ്ത്ര മേള യു.പി വിഭാഗം ഓവറോൾ ചാമ്പ്യൻഷിപ്പ്, പ്രവൃത്തി പരിചയ മേള യു പി വിഭാഗം ഓവറോൾ ചാമ്പ്യൻഷിപ്പ്, ഐ.ടി മേള യു.പി വിഭാഗം മൂന്നാം സ്ഥാനം, പ്രവൃത്തി പരിചയ മേള എൽ.പി വിഭാഗം മൂന്നാം സ്ഥാനം എന്നീ കിരീടങ്ങൾ വിദ്യാലയം കരസ്ഥമാക്കി. വിജയികളായ വിദ്യാർത്ഥികളെയും അധ്യാപകരേയും സ്കൂൾ പി ടി എ അനുമോദിച്ചു. പി.ടി.എ പ്രസിഡണ്ട് എ.കെ. ഷൗക്കത്തലി അധ്യക്ഷത വഹിച്ചു. വി പി. ആഷിർ, ടി.കെ. സൗദ, എം.കെ. മുഹമ്മദ്, വി. സജ്നാബി, കെ. സി. ഷനിജ, ഹണി സി വർഗീസ്, വി. ഷബ്ന, പി. റജ്ന സംസാരിച്ചു. പ്രധാനാധ്യാപകൻ ഇ. അബ്ദുൽ ജലീൽ സ്വാഗതവും സ്റ്റാഫ് സെക്രട്ടറി ഒ.കെ. സൗദാ ബീവി നന്ദിയും പറഞ്ഞു.
