കുന്ദമംഗലം: കുന്ദമംഗലം ഹൈസ്കൂൾ ‘ഒപ്പം 81’ ഓണാഘോഷവും അനുമോദന ചടങ്ങും സംഘടിപ്പിച്ചു. കുന്ദമംഗലം രാജീവ് ഗാന്ധി സേവാഘർ ഓഡിറ്റോറിയത്തിൽ നടന്ന പരിപാടി അഡ്വ.പിടിഎ റഹിം എംഎൽഎ ഉദ്ഘാടനം ചെയ്തു. അംഗങ്ങളുടെ ടീമുകൾ ഒരുക്കിയ പൂക്കള മത്സരവും വിവിധ കലാപരിപകളും നടന്നു. അക്കാദമിക് മികവ് തെളിയിച്ച അംഗങ്ങളുടെ കുട്ടികളെ ചടങ്ങിൽ അനുമോദിച്ചു.
‘ഒപ്പം 81’ ചെയർമാൻ എൻ.സതീശൻ അദ്ധ്യക്ഷത വഹിച്ചു. ബാബു നെല്ലൂളി, പി.പവിത്രൻ, എം.കെ.മോഹൻദാസ്, ടി.എം.ശൈലജ ദേവി, വേണു കാരന്തൂർ, കെ.എം.സുനിൽ കുമാർ എന്നിവർ സംസാരിച്ചു.ജനറൽ സെക്രട്ടറി കെ.വി.സുനിൽ കുമാർ സ്വാഗതവും, ട്രഷറർ ഐ.മുഹമ്മദ്കോയ നന്ദിയും പറഞ്ഞു.
കുന്ദമംഗലം ഹൈസ്കൂൾ ‘ഒപ്പം 81’ ഓണാഘോഷവും അനുമോദന ചടങ്ങും സംഘടിപ്പിച്ചു.
