കുന്ദമംഗലം:കോഴിക്കോട് പ്രവാസിയെ തട്ടിക്കൊണ്ടുപോയി. ഇന്നലെ ദുബൈയില്‍ നിന്നും നാട്ടിലെത്തിയ ഷിജല്‍ ഷാന്‍ (25) എന്ന യുവാവിനെയാണ് തട്ടിക്കൊണ്ടുപോയത്.
കോഴിക്കോട് പെരിങ്ങൊളത്താണ് സംഭവം. ഇന്ന് ഉച്ചയ്ക്ക് പന്ത്രണ്ടര മണിക്ക് പെരിങ്ങളത്ത് വെച്ച്‌ ബൈക്ക് തടഞ്ഞു നിര്‍ത്തി തട്ടിക്കൊണ്ടുപോവുകയായിരുന്നുവെന്നാണ് വിവരം. മണിക്കൂറുകള്‍ക്ക് ശേഷം യുവാവിനെ വിട്ടയച്ചു.
യുവാവിനെ വഴിയരികില്‍ ഉപേക്ഷിച്ച്‌ സംഘം കടന്നുകളയുകയായിരുന്നു. അഞ്ചംഗ സംഘമാണ് തട്ടിക്കൊണ്ടുപോയതെന്ന് യുവാവ് പൊലീസിനോട് പറഞ്ഞു. കണ്ടാലറിയാവുന്ന അഞ്ചുപേര്‍ക്കെതിരെ കുന്ദമംഗലം പൊലീസ് കേസെടുത്തു.കുഴൽപണ – സ്വർണ്ണ ഇടപാടുകാരാണ് തട്ടികൊണ്ട് പോകലിന് പിന്നിലെന്ന് സംശയിക്കുന്നു എ.സി.പി സുദർശനാണ് അന്വേഷണ ചുമതല പെരിങ്ങൊളം ശാന്തിചിറ സ്വദേശി റിയാസിന്റെ മകനാണ് യുവാവ്
