കുന്ദമംഗലം: ഉപജില്ലാ സ്‌കൂള്‍ കായികമേളയില്‍ 363 പോയന്റ് നേടി ആര്‍.ഇ.സി. ഗവ. ഹയര്‍സെക്കന്‍ഡറി സ്‌കൂള്‍ ഓവറോള്‍ ചാമ്പ്യന്‍മാരായി. കുന്ദമംഗലം ഹയര്‍സെക്കന്‍ഡറി സ്‌കൂളിനാണ് രണ്ടാം സ്ഥാനം. ജി.എച്ച്.എസ്.എസ്. പയിമ്പ്ര മൂന്നാമതെത്തി. യു.പി. വിഭാഗത്തില്‍ മലയമ്മ എ.യു.പി. സ്‌കൂളിനാണ് ഒന്നാം സ്ഥാനം. പറമ്പില്‍ക്കടവ് സ്‌കൂള്‍ രണ്ടാമതെത്തി. സബ്ജൂനിയര്‍ ബോയ്‌സില്‍ ബ്രഹ്മ കെ. സുരേഷ്, ജൂനിയര്‍ ബോയ്‌സില്‍ എന്‍.എം. ആദിത്യന്‍, സീനിയര്‍ ഗേള്‍സില്‍ എസ്. ശ്രീനന്ദന, സബ് ജൂനിയര്‍ ഗേള്‍സില്‍ നജ ഫാത്തിമ, സീനിയര്‍ ബോയ്‌സില്‍ ഇക് ലാസ് (എല്ലാവരും ആര്‍.ഇ.സി. ഗവ. ഹയര്‍സെക്കന്‍ഡറി സ്‌കൂള്‍) , സീനിയര്‍ ഗേള്‍സില്‍ ശ്രീലക്ഷ്മി(ജി.എച്ച്.എസ്.എസ്.പയിമ്പ്ര), എന്നിവര്‍ വ്യക്തിഗത ചാമ്പ്യന്‍മാരായി. സമാപനച്ചടങ്ങില്‍ മെഡിക്കല്‍ കോളേജ് കായികവിഭാഗം മേധാവി ഡോ. എസ്. ബിജുകുമാര്‍ ട്രോഫികള്‍ നല്‍കി. ഉപജില്ലാവിദ്യാഭ്യാസ ഓഫീസര്‍ കെ.ജെ. പോള്‍ അധ്യക്ഷനായി. എ.കെ. മുഹമ്മദ് അഷ്‌റഫ്, എം.പി. മുഹമ്മദ് ഇസ്ഹാഖ്, യൂസഫ് സിദ്ദീഖ്, എം.എ. സാജിദ്, സി.കെ. വിനോദ് കുമാര്‍ എന്നിവര്‍ സംസാരിച്ചു.
കുന്ദമംഗലം ഉപജില്ലാ കായികമേള, ആര്‍.ഇ.സി. , മലയമ്മ ജേതാക്കള്‍
