മത വിശ്വാസികൾക്കിടയിൽ വ്യാപകമായി നടക്കുന്ന ചൂഷണത്തിന് യഥാർത്ഥ മതം കൂട്ടുനിൽക്കുന്നില്ല ഡോ: ഹുസൈൻ മടവൂർ

കുന്ദമംഗലം :മത വിശ്വാസികൾക്കിടയിൽ വ്യാപകമായി നടക്കുന്ന ചൂഷണത്തിന് യഥാർത്ഥ മതം കൂട്ടുനിൽക്കുന്നില്ലെന്ന് ഡോ: ഹുസൈൻ മടവൂർ പ്രസ്താവിച്ചു.ചക്കാലക്കൽ ഹയർസെകൻററിസ്ക്കുളിൽ നടന്ന നരിക്കുനി ഈസ്ററ് മണ്ഡലം മുജാഹിദ് സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം . കേരള യുവജനക്ഷേമ ബോർഡ് ഏർപ്പെടുത്തിയ സ്വാമി വിവേകാനന്ദയുവ പ്രതിഭാ പുരസ്ക്കാരം നേടിയ ഖമറുൽ ഹഖിനെ സമ്മേളനത്തിൽ ആദരിച്ചു.പാലത്ത് അബ്ദുറഹിമാൻ മദനി പുരസ്കാരം നൽകി. ഫാത്വിഹായുടെ തീരത്ത് ഖുർആൻ ക്വിസ് മത്സരത്തിലെ വിജയി കൾക്കുള്ള ക്യാഷ് അവാർഡ് അൻസാർ നന്മണ്ട വിതരണം ചെയ്തു. എൻ.പി. അബ്ദുൽ ഗഫൂർ ഫാറൂഖി അധ്യക്ഷത വഹിച്ചു. ശാഹിദ് മുസ്ലിം ഫാറൂഖി, ആയിശ ചെറു മുക്ക് , അബ്ദുസത്താർ മാസ്റ്റർ , മുസ്തഫ നുസ് രി, കെ.പി.അബ്ദുസലാം, അബ്ദുൽമജീദ് മടവൂർ , സൽമ അൻവാരിയ , ജംഷിദ് കച്ചേരിമുക്ക്
, കെ.കെ അബ്റഹ്മാൻകുട്ടി മാസ്ററർ എന്നിവർ സംസാരിച്ചു.