കുന്ദമംഗലം : ഉപജില്ലയിലെ പരിശീലനം നേടിയ എയ്റോബിക്ക് ടീമംഗങ്ങൾക്ക് സൗജന്യമായി ജഴ്സികൾ വിതരണം ചെയ്തു. ഉപജില്ലയിലെ വിവിധ വിദ്യാലയങ്ങളിലെ അൻപതോളം കുട്ടികൾക്കും കായികാദ്ധ്യാപകർക്കുമുള്ള ജഴ്സികൾ ബഹു കുന്നമംഗലം MLA പി.ടി.എ റഹിം ആണ് സ്പോൺസർ ചെയ്തത്. പൊതു വിദ്യാഭ്യാസ വകുപ്പിന്റെ വിവിധ പരിപാടികൾക്ക് ആവേശം പകരാൻ ഈ എയ്റോബിക് ടീം രംഗത്തുണ്ടാകും. ചടങ്ങിൽ വൈവിധ്യമാർന്ന പ്രവർത്തനങ്ങളിലൂടെടെ കുന്ദമംഗലം ഉപജില്ലയെ മികവിലേക്ക് നയിക്കുന്ന കുന്ദമംഗലം ഉപജില്ല വിദ്യാഭ്യാസ ഓഫീസർ
ശ്രീ. കെ.ജെ പോളിനെ ആദരിക്കുകയും ചെയ്തു. ബ്ലോക്ക് പഞ്ചായത്ത് പ്രസിഡന്റ് ശ്രീ. ബാബു നെല്ലുളി യുടെ അധ്യക്ഷതയിൽ ചേർന്ന യോഗത്തിൽ അഡ്വ.പി.ടി.എ റഹീം MLA ജഴ്സി വിതരണോൽഘാടനവും ഉപജില്ല വിദ്യാഭ്യാസ ഓഫീസർ ശ്രീ.കെ.ജെ പോളിനുള്ള ഉപഹാര സമർപ്പണവും നിർവ്വഹിച്ചു. കുന്ദമംഗലം ഗ്രാമ പഞ്ചായത്ത് പ്രസിഡന്റ് ശ്രീമതി.ലിജി പുൽ ക്കുന്നുമ്മൽ മുഖ്യാതിഥിയായിരുന്നു. സ്കൂൾ ഗെയിംസ് അസോയിയേഷൻ സെക്രട്ടറി എ കെ മുഹമ്മദ് അഷ്‌റഫ് റിപ്പോർട്ട് അവതരിപ്പിച്ചു .കുന്നമംഗലം ബ്ലോക്ക് പഞ്ചയാത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എൻ ഷിയോൺ ലാൽ ഗ്രാമപഞ്ചായത്ത് മെമ്പർ ബൈജു പ്രസ് ക്ലബ് പ്രസിഡന്റ് എം സിഗ്‌ ബത്തുള്ള ,എം പി മുഹമ്മദ് ഇസ്ഹാഖ് , രാജേന്ദ്രകുമാർ ,യൂസുഫ് സിദ്ദീഖ് ,കെ ദീപേഷ് ,ചടങ്ങിൽ എന്നിവർ ആശംസകൾ നേർന്നു.കെ ജെ പോൾ സാഗതവും HM ഫോറം സെക്രട്ടറി വിനോദ് കുമാർ സി.കെനന്ദി യും പറഞ്ഞു.
കുന്ദമംഗലം ഉപജില്ലയിലെ പരിശീലനം നേടിയ എയ്റോബിക്ക് ടീമംഗങ്ങൾക്ക് സൗജന്യമായി ജഴ്സികൾ വിതരണം ചെയ്തു.
